Staršynia Śledčaha kamiteta Biełarusi Ivan Naskievič 28 krasavika ŭ Minsku koratka prakamientavaŭ chod rasśledavańnia spravy 20-hadovaha žychara Viciebska pa mianušcy Teror-mašyna, jaki byŭ bajcom bataljona «Azoŭ» va Ukrainie. Maładomu čałavieku vystaŭlenaje abvinavačańnie ŭ złosnym chulihanstvie (č. 2 art. 339 Kryminalnaha kodeksa).
«My vałodajem i bieź jaho pakazańniaŭ nieabvieržnymi dokazami jaho dačynieńnia da hetaha złačynstva, — zajaviŭ Naskievič. — U lubym vypadku sprava budzie nakiravanaja ŭ sud».
Što da fakta najomnictva, to, pavodle słoŭ staršyni SK, padślednaść pa takich spravach adnosicca da kampietencyi KDB. «My dajem acenku ŭčynienamu im złosnamu chulihanstvu», — skazaŭ Naskievič.
Pavodle viersii śledstva, u kastryčniku 2013 hoda złamyśnik razam z futbolnymi fanatami hvałtoŭna prymusiŭ dvuch 13-hadovych padletkaŭ adračysia ad antyfašysckaha ruchu i prademanstravać nacysckaje pryvitańnie. Uvieś praces byŭ źniaty na videakamieru i vykładzieny ŭ internet.
Kamientary