Vosiem novych palitviaźniaŭ

Vynieśli prysud udzielnikam "pracesu 14-ci": Andrej Kim pojdzie ŭ turmu na paŭtara hodu, Uładzimier Siarhiejeŭ i Anton Kojpiš zapłaciać 3,5 młn rubloŭ štrafu, astatnija 7 čałaviek atrymali pa 2 hady abmiežavańnia voli biez nakiravańnia ŭ kalonii adkrytaha typu.

Andrej Kim prysudžany da 1,5 hodu kalonii ahulnaha režymu.

Uładzimieru Siarhiejevu i Antonu Kojpišu -- 3,5 młn rubloŭ štrafu (pa 100 bazavych vieličyniaŭ), astatnim siami abvinavačanym -- Michaiłu Paškieviču, Tacianie Ciškievič, Michaiłu Kryvavu, Alesiu Bondaru, Arciomu Dubskamu, Alesiu Stralcovu, Alesiu Čarnyšovu -- pa 2 hady abmiežavańnia voli biez nakiravańnia ŭ kalonii adkrytaha typu. Usie jany zastajucca pad padpiskaj ab niavyjeździe. Jany buduć pracavać pa svaim asnoŭnym miescy pracy, spłočvajučy 20 % ad zarobku.

Prysud byŭ sustrety krykami "Hańba". Za heta ŭ zali sudu byŭ aryštavany Alaksandar Atroščankaŭ.

Kali byŭ začytany prysud Andreju Kimu, jahonaja maci -- Taciana Kim -- vykryknuła: "Andrej, ja taboj hanarusia!".

Termin Andreja Kima adličvajecca ad 21 studzienia, astatnich pačnie adličvacca ad pastanoŭki na ŭlik.

Što tyčyć strataŭ Mintransu i inšych transpartnych arhanizacyj 10 studzienia, to sudździa skazała, što pry žadańni hetyja subjekty mohuć padavać pazoŭ, jaki budzie razhledžany asobna.

Prysud moža być abskrdžany ŭ Mienskim haradzkim sudzie ciaham 10 dzion. Pretenzii HUMU, Uzvyšša i inšych punktaŭ handlu ab paniesienych u toj dzień stratach pryznanyja nieabhruntavanymi.

* * *

Zaraz (14:53) kala 100 čałaviek skandujuć "Razam!", "Svabodu!" i "Žyvie Biełaruś!", trymajučysia za ruki.

* * *

Kamentary asudžanych

Michaił Paškievič: "Hety prysud faktyčna abmiažoŭvaje našu dziejnaść. Da taho ž u luby momant my možam akazacca na Vaładarcy, navat pierajšoŭšy darohu ŭ niepałožanym miescy".

Michaił Kryvaŭ: "Prysudam ułady prymianili novuju formu zapałochvańnia hramadzkich aktyvistaŭ. Heta faktyčna chatni aryšt".

Aleś Čarnyšoŭ Prysud absalutna pradkazalny, ale ja ŭściešany, što nia skončyłasia turmoj.

* * *

14:29 Moładź praciahnuła akcyju padtrymki pad ścienami sudu. Kala dziesiaci čałaviek stali z saščeplenymi rukami za śpinoj. Da akcyi dałučyŭsia ravaryst. Milicyja pakul moŭčki i ź intaresam naziraje.

14:05 Antona Kojpiša zabrali ŭ bolnicu ŭ paŭprytomnym stanie.

13:45 Pryjechała chutkaja dapamoha, vyklikanaja Antonu Kojpišu.

13:25 Sudździa pačała začytvać prysud całkam. Padčas hetaha spadaru Kojpišu stała kiepska, jon paprasiŭ dazvolić jamu sieści. Praz hetuju sytuacyju sudździa abvieściła pierapynak u vyniasieńni prysudu.

Kala sudu maładziovyja pasprabavali pravieści fłeš-akcyju. Jany stali tvaram da muru j zakłali ruki za hałovy. Na ich śpinach byli arkušy ź litarami, ź jakich niekalki razoŭ składałasia «za što?». Milicyjanty, AMAP i ahienty ŭ cyvilnym adrazu pazryvali ich. Kali ž aktyvisty pasprabavali znoŭ stać tvaram da ściany, ale ŭžo biaź litar, ich razahnali z prymianieńniem siły. Zatrymańniaŭ nie było.

12:30 Siońnia dzień narodzinaŭ fihuranta spravy Ŭładzimiera Siarhiejeva. Paplečniki pierad budynkam sudu padaryli jamu plušavaha čaburašku, ad vušej da noh ekipiravanaha raznastajnaj maładafrontaŭskaj symbolikaj. Čuvańnie pad dźviarym sudu praciahvajecca.

12:10 Ludzi dahetul stajać pad budynkam sudu. Praces nie pačynaŭsia.

11:20 Praces jašče nie pačaŭsia. Ludziej nie zapuskajuć navat u budynak sudu. Bolš za toje, navat u dvor pierad budynkam dazvolili prajści tolki žurnalistam i Anatolu Labiedźku. Rešta prysutnych — kala 30 čałaviek — zastalisia stajać na vuzkim chodniku na vulicy Kirava. Siarod ich — viadomyja palityki: Alaksandar Milinkievič, Vincuk Viačorka, Aleś Michalevič, Viačasłaŭ Siŭčyk, Valancin Stefanovič.

Źmicier Pankaviec, Aleś Kudrycki

Pavialičyć

Pavialičyć

Pavialičyć

Pavialičyć

Fota Alesia Bondara

Hladzi jašče:
«Praces 14-ci». Dzień čaćviorty.
«Praces 14-ci». Dzień treci.
«Praces 14-ci». Dzień druhi.
«Praces 14-ci». Dzień pieršy.
«Dzie duch Haspodni, tam Svaboda»

• 0
• 0
• 0
• 0
• 0
• 0
• 0
• 0