«Savuškaŭ» vypuściŭ syrki «Dubaj», a ciapier zdymaje ich z prodažu
Bresckaja kampanija «Savuškaŭ» paviedamiła pra adklikańnie z kramaŭ partyi hłazuravanych syrkoŭ «Dubaj», jakija niadaŭna źjavilisia na rynku, piša Office Life.
Pryčyna — prablemy z recepturaj: šakaładnaja hłazura z dadatkam tradycyjnaha ŭschodniaha ciesta kataifi atrymałasia vielmi łomkaj. Pry praciahłym zachoŭvańni ciesta pačynaje «nabuchać», z-za čaho hłazura treskajecca i absypajecca.
Pa słovach vytvorcy, pry hetym smak i jakaść inhredyjentaŭ zastajucca dobrymi, ale źniešni vyhlad syrkoŭ kiepski. Kab nie rasčaroŭvać pakupnikoŭ, kampanija pryniała rašeńnie źniać apošniuju partyju z handlu i adkryta raskazać pra situacyju.
«Savuškaŭ» padkreślivaje, što praca nad navinkaj viałasia doŭha: było vyprabavana šmat uzoraŭ, kab stvaryć unikalny pradukt, padobny da dubajskaha šakaładu, ale pry hetym vykarystać tolki jakasnyja naturalnyja kampanienty. Asablivuju ciažkaść vyklikała sproba «padružyć» šakaład i chrumstkaje ciesta kataifi, zachavaŭšy jaho teksturu.
Niahledziačy na toje, što pakupniki dobra ŭspryniali novy syrok, praź niekalki tydniaŭ paśla zapusku vyśvietliłasia, što pry zachoŭvańni ŭźnikajuć defiekty hłazury. Heta i stała pryčynaj časovaha adklikańnia praduktu.
U kampanii zapeŭnivajuć, što recepturu dapracujuć u najbližejšyja tydni: smak i skład zastanucca, ale hłazura stanie bolš ustojlivaj. Paśla dadatkovych pravierak jakaści abnoŭlenyja syrki «Dubaj» znoŭ viernucca ŭ prodaž.
Polšča pryznała Alaksandra Mašenskaha niepažadanaj asobaj
«Sdiełano v Biełoruśsii». Sacsietki ŭzbudzilisia ad syru zahadkavaha pachodžańnia
«Heta nazyvajecca «adpiska». «Savuškaŭ» adkazaŭ na skarhu adnosna paŭpustych upakovak
«Savuškaŭ pradukt» trapiŭ pad chvalu krytyki za paŭpustyja ŭpakoŭki
«Jak z płastylinu». Biełaruska paskardziłasia na śmiatanu ad «Savuškavaha»
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary