Arhanizatar bajdaračnych spłavaŭ raskazaŭ, što staić na pieraškodzie turyzmu, aprača prusakoŭ u hatelach
Niadaŭna Alaksandr Łukašenka raskrytykavaŭ biełaruskija hateli za kiepski stan numaroŭ, asabliva za «prusakoŭ na ścienach», i zajaviŭ pra nieabchodnaść kardynalnych źmien u turystyčnaj śfiery. Jon pravioŭ navat admysłovuju naradu z kiraŭnictvam Savieta Ministraŭ, dzie abmiarkoŭvałasia reforma kiravańnia halinoj. Na razvažańni čynoŭnikaŭ chutka adreahavaŭ u admysłovym videa błohier Pavieł, arhanizatar bajdaročnych spłavaŭ na Paleśsi, zaŭvažyła BGMedia.
Pavieł adznačyŭ, što turyzm u Biełarusi nie raźvivajecca praź vialikuju kolkaść zabaron i biurakratyčnyja pieraškody.
Pavodle jaho słoŭ, u krainie niama sapraŭdnaha haściavoha servisu: u adroźnieńnie ad Hruzii, dzie turysta mohuć nakarmić prosta ŭ vioscy na chatniaj kuchni, u Biełarusi adkryć maleńkuju kaviarniu abo chatni restaran składana praz sanitarnyja normy i rehulacyi.
Błohier raskazaŭ, što ŭžo dva hady sprabuje adkryć hłempinh u Vołožynskim rajonie, ale sprava staić na miescy z-za admovy čynoŭnikaŭ padpisvać dakumienty. Jon taksama adznačyŭ, što ŭ Biełarusi niedastupny dostup da aznajamleńnia z unikalnymi tradycyjami, jakija mahli b stać turystyčnymi «fiškami», naprykład, bortnictva ci pčalarstva na Paleśsi. Pryvatnyja majstry nie mohuć pakazvać hetyja zaniatki turystam bieź śpiecyjalnych dazvołaŭ.
Pavieł źviarnuŭ uvahu i na prablemu pustych i razburanych budynkaŭ, jakija možna było b vykarystoŭvać pad turystyčnyja abjekty, ale biurakratyja pieraškadžaje ich arandavać abo pieraabstaloŭvać.
Jon ličyć, što ŭ viaskovych rajonach nie varta abmiažoŭvacca prodažam damoŭ za bazavuju adzinku: lepš pradavać praz aŭkcyjon, ale prybrać abmiežavańni na pryznačeńnie budynkaŭ, kab ludzi mahli stvarać adukacyjnyja ci turystyčnyja abjekty.
Pavieł padkreśliŭ, što raźvićcio turyzmu mahčymaje tolki pry supracoŭnictvie dziaržavy i pryvatnaha biznesu, kali inicyjatyvy ludziej buduć pačutyja i padtrymanyja.
Jon adznačyŭ, što treba stvarać cikavyja maršruty i prahramy dla turystaŭ, kab ludzi nie tolki pryjazdžali ŭ Biełaruś, ale i viedali, čym buduć zajmacca kožny dzień.
Kamientatary pad videa Paŭła adznačali, što dziaržava dušyć biznes praz zabarony i padatki, što pieraškadžaje raźvićciu ahraturyzmu i inšych inicyjatyŭ.
Mnohija ŭpeŭnienyja, što biełaruski turyzm moža być kankurentazdolnym i cikavym, ale dla hetaha treba źmienšyć biurakratyju, prybrać lišnija zabarony i pačać plonnaje supracoŭnictva z pryvatnym biznesam.
Łukašenka zahadaŭ čynoŭnikam pavyvodzić z hatelaŭ prusakoŭ
Funkcyi rehulatara ŭ turśfiery prapanujuć pieradać ad Minsportu Nacyjanalnamu ahienctvu pa turyźmie
«Haračych turaŭ sioleta niama i nie budzie». Adpačynak na mory staŭ dla biełarusaŭ daražejšym, ale popyt usio adno vysoki
Kolki kaštuje adpačynak na Maldyvach dla biełarusaŭ?
«Biełaruskim Maldyvam» pad Vaŭkavyskam mohuć dać achoŭny status
Ciapier čytajuć
Jakija damoŭlenaści byli ŭ amierykancaŭ z Łukašenkam pa vyzvaleńni palitviaźniaŭ? Tłumačyć Viačorka7
Kamientary
" praz sanitarnyja normy i rehulacyi."
Krytykuju nn:
słova "rehulacyja"- heta abort na pačatkovych stupieniach ciažarnaści. Pamyłak vašyja aŭtary dapuskajuć zaŭždy šmat, tamu vučyciesia, bo prosta hańba.