Francuzski treš-błohier pamior u žyvym efiry padčas dziesiacidzionnaha marafonu
Francuzski treš-strymier Rafael Hrejvien, viadomy ŭ internecie pad psieŭdanimam Jean Pormanove, pamior padčas dziesiacidzionnaha marafonu ŭ žyvym efiry. Jon mieŭ kala paŭmiljona padpisčykaŭ i viadomy tym, što na jahonych efirach adbyvalisia vielmi žorstkija ekśpierymienty i pakuty za danaty hledačoŭ.
Na žyvych efirach z udziełam Rafaela Hrejviena jaho bili, dušyli, ablivali farbaj i navat chadzili pa im — i ŭsio heta adbyvałasia na vačach tysiač ludziej.
18 žniŭnia, padčas čarhovaha dnia dziesiacidzionnaha marafonu, Hrejvien lažaŭ na matracy, zachutany koŭdraj, ź ciažkaściu dychaŭ, a ŭrešcie pierastaŭ dychać uvohule i pamior.
Inšyja treš-strymiery, jakija brali ŭdzieł u efiry, spačatku byli niezadavolenyja chrypieńniem Hrejviena, paśla pasprabavali jaho razbudzić, bjučy pa ščokach, ale biezvynikova. Tranślacyju spynili tolki paśla taho, jak stała vidavočna, što strymier da prytomnaści nie pryjdzie.
Ministarka ŭrada Francyi Kłara Šapaz nazvała śmierć strymiera «absalutnym žacham». Prakuratura Nicy raspačała rasśledavańnie i pryznačyła sudova-miedycynskuju ekśpiertyzu, kab vyznačyć dakładnuju pryčynu śmierci.
Płatforma Kick, na jakoj adbyvalisia efiry, ciapier terminova pierahladaje praviły supolnaści, kab padobnyja incydenty nie paŭtarylisia. A pachavańnie Rafaela Hrejviena prafinansujuć repier Drejk i amierykanski strymier Adzin Ros.
Padobnaja situacyja adbyłasia ŭ listapadzie 2023 hoda ŭ Viciebsku. Tady na miascovym kanale «Okołokontory» prachodziŭ strym, jaki skončyŭsia trahiedyjaj. U anonsie tranślacyi ŭdzielniki zajaŭlali, što hatovyja za hrošy rabić lubyja zadańni, u tym liku vypić nahbom butelku harełki. U vyniku adzin z udzielnikaŭ nie raźličyŭ svaje siły.
Ciapier čytajuć
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary
I hlažu - kumov́ja podžidajut mienia.
Pnuli trup: "Sdoch, skotina! Nietu proku s nieho:
Za poimku połtina, a za śmierť - ničieho"