U Biełarusi stvaryli adzinaha apieratara intelektualnaj transpartnaj sistemy
Alaksandr Łukašenka padpisaŭ ukaz ab stvareńni ŭ krainie adzinaha apieratara intelektualnaj transpartnaj sistemy (ITS). Im stanie pradpryjemstva «Biełdarsuviaź», jakoje budzie zajmacca ekspłuatacyjaj i raźvićciom ITS, što raniej vykonvali roznyja arhanizacyi.
Fota ilustracyjnaje
Sistemy, jakimi budzie kiravać «Biełdarsuviaź», u pryvatnaści ŭklučajuć:
- zbor płaty za prajezd pa płatnych darohach;
- dynamičnaje ŭzvažvańnie transpartu;
- mieteamanitorynh;
- ulik intensiŭnaści transpartnaha patoku;
- prahramna-aparatny kompleks Centra manitorynhu darožnaha ruchu.
Asnoŭnyja zadačy adzinaha apieratara: raźvićcio ITS, kiravańnie jaje pracaj, techničnaje absłuhoŭvańnie abstalavańnia i sietak sistemy.
«Biełdarsuviaź» taksama atrymała prava spahaniać płatu za prajezd i raźmiaščać nieabchodnaje abstalavańnie na płatnych darohach biaspłatna i biez arendy.
Abjadnańnie ŭsich funkcyj ITS u adzinaha apieratara, jak miarkujecca, dazvolić:
- realizoŭvać adzinuju techničnuju palityku i ŭkaraniać biełaruskija raspracoŭki;
- aptymizavać vydatki na ekspłuatacyju i raźvićcio sistemy;
- vyklučyć dublavańnie funkcyj pa absłuhoŭvańni i madernizacyi roznych elemientaŭ ITS.
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary