Pradukty ź ćvillu i čarviakami. Sanstancyja pravieryła kramy, na jakija skardzilisia pakupniki
Parušeńni śpiecyjalisty zaŭvažyli nie va ŭsich kramach.
Paśla apublikavanych u tyktoku rolikaŭ, staličnyja centry hihijeny i epidemijałohii na praciahu žniŭnia pazapłanava pravieryli niekalki handlovych kropak, piša «Minsk Naviny».
U kramie «Śviatłafor» na vulicy Łyńkova, raźmieščanaj u Masiukoŭščynie, mužčyna vyjaviŭ kaŭbasu ź ćvillu. Adpaviednaje videa nabrała bolš za 52 tysiačy prahladaŭ.
«A potym hetuju kaŭbasu pratruć brudnaj anučaj z masłam, i jana budzie jak novieńkaja», — prakamientavała zdymku adna z hladačak, jakuju padtrymali mnohija karystalniki.
Sanstancyja zaŭvažyła ŭ hetaj kramie tolki adzin vid syravendžanaj kaŭbasy — ź im usio było ŭ paradku, mielisia adpaviednyja dakumienty. Pry hetym u «Śviatłafory» zaŭvažyli inšyja parušeńni.
Nastupnym razam sanstancyja praviarała «Susiedzi» na praśpiekcie Pieramožcaŭ, 49. Tam pakupniku dastałasia kurynaja hrudka z hniłatoj unutry.
«Razrazaju, miasa hniłoje. Jano nie tuchłaje, a prosta hniłoje, vielmi dziŭna», — dzivicca chłopiec, demanstrujučy na videa niahodny pradukt.
Śpiecyjalisty adabrali proby charčovaj pradukcyi dla praviadzieńnia łabaratornych daśledavańniaŭ, ab vynikach stanie viadoma paźniej. Razam z tym na momant nahladnych mierapryjemstvaŭ umovy zachoŭvańnia i terminy prydatnaści pradukcyi byli vykananyja.
Nie znajšli parušeńniaŭ i ŭ «Majaku» na vuliicy Šaranhoviča, 21. Napiaredadni tam kupili skumbryju, jakaja apynułasia ź ćvillu.
Pravieryli i vuličny łarok kala doma №28 na vulicy Hamarnika, dzie mužčyna nabyŭ piersiki z čarviakami. Tam śpiecyjalisty vyjavili pradukcyju nieharantavanaj jakaści i inšyja parušeńni patrabavańniaŭ zakanadaŭstva ŭ halinie zabieśpiačeńnia sanitarna-epidemijałahičnaha dabrabytu nasielnictva.
Kramie vyniesiena pradpisańnie ab kanfiskacyi z abaračeńnia nazvanych praduktaŭ i nakiravany rekamiendacyi.
Ciapier čytajuć
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ2
Kamientary