Znoŭ aryštavali złodzieja ŭ zakonie Pašteta. Pra jaho zatrymańnie paviedamlali i viasnoj, ale tady adpuścili
U suviazi sa śmierciu žychara Barysava ad pieradaziroŭki ŭ 2022 hodzie, siłaviki zatrymali 43-hadovaha mužčynu. Jak vynikaje z fota, siłaviki druhi raz za hod zatrymali złodzieja ŭ zakonie Paŭła Aleksiajeviča (mianuška Paštet).
U Barysavie 31 śniežnia 2022 hoda ad psichatropnaha rečyva pamior 38-hadovy miascovy žychar. Adrazu znajści raspaŭsiudnika nie ŭdałosia, paviedamlaje MUS. Ale ciapier atrymałasia — i heta akazaŭsia mienavita Paštet.
Pavodle siłavikoŭ, zabaronienyja rečyvy zahinułamu pieradaŭ 43-hadovy mužčyna, što «znachodzicca na apieratyŭnym uliku HUBAZiK, nieadnarazova asudžany za kradziažy, niezakonny abarot narkotykaŭ, razboj i chulihanstva».
Zaviedziena kryminalnaja sprava za niezakonny abarot narkatyčnych srodkaŭ, što pa nieaściarožnaści paciahnuŭ śmierć čałavieka.
Na fota siłaviki pakazali Paŭła Alaksiejeviča (mianuška Paštet). Jon źmieščany pad vartu, jamu pahražaje ad 12 da 25 hadoŭ pazbaŭleńnia voli.
Admietna, što z 2021 pa 2024 hod Paštet siadzieŭ u turmie — ale ŭsio adno, pa mierkavańni milicyi, niejak zmoh pradać narkotyki.
Cikava, što ŭ krasaviku hetaha hoda siłaviki ŭžo paviedamlali pra jaho zatrymańnie. Jaho abvinavacili ŭ tym, što razam z 43-hadovym saŭdzielnikam Paštet dapamahaŭ złamyśnikam vyvodzić skradzienyja ŭ biełarusaŭ hrošy. Čamu jon znoŭ byŭ na voli, nie paviedamlajecca.
Łukašenka niervova prakamientavaŭ vizit Cichanoŭskaj u Kijeŭ45
Kamientary