Зноў арыштавалі злодзея ў законе Паштэта. Пра яго затрыманне паведамлялі і вясной, але тады адпусцілі
У сувязі са смерцю жыхара Барысава ад перадазіроўкі ў 2022 годзе, сілавікі затрымалі 43-гадовага мужчыну. Як вынікае з фота, сілавікі другі раз за год затрымалі злодзея ў законе Паўла Алексяевіча (мянушка Паштэт).
У Барысаве 31 снежня 2022 года ад псіхатропнага рэчыва памёр 38-гадовы мясцовы жыхар. Адразу знайсці распаўсюдніка не ўдалося, паведамляе МУС. Але цяпер атрымалася — і гэта аказаўся менавіта Паштэт.
Паводле сілавікоў, забароненыя рэчывы загінуламу перадаў 43-гадовы мужчына, што «знаходзіцца на аператыўным уліку ГУБАЗіК, неаднаразова асуджаны за крадзяжы, незаконны абарот наркотыкаў, разбой і хуліганства».
Заведзена крымінальная справа за незаконны абарот наркатычных сродкаў, што па неасцярожнасці пацягнуў смерць чалавека.
На фота сілавікі паказалі Паўла Аляксеевіча (мянушка Паштэт). Ён змешчаны пад варту, яму пагражае ад 12 да 25 гадоў пазбаўлення волі.
Адметна, што з 2021 па 2024 год Паштэт сядзеў у турме — але ўсё адно, па меркаванні міліцыі, неяк змог прадаць наркотыкі.
Цікава, што ў красавіку гэтага года сілавікі ўжо паведамлялі пра яго затрыманне. Яго абвінавацілі ў тым, што разам з 43-гадовым саўдзельнікам Паштэт дапамагаў зламыснікам выводзіць скрадзеныя ў беларусаў грошы. Чаму ён зноў быў на волі, не паведамляецца.
Цяпер чытаюць
Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам2
Каментары