Зноў арыштавалі злодзея ў законе Паштэта — узяўся за старое і падманваў пенсіянераў
Прэс-служба МУС паведамілаі пра арышт 43-гадовага мінчука — «злодзея ў законе» Паўла Алексяевіча (мянушка Паштэт), які разам з 43-гадовым саўдзельнікам дапамагалі зламыснікам выводзіць скрадзеныя ў беларусаў грошы.
Паштэт звязаўся з прадстаўнікамі ўкраінскага кол-цэнтра і, карыстаючыся статусам «крымінальнага аўтарытэта», прапанаваў супрацоўніцтва. На працягу паўгода ён з падзельнікам пераводзіў сродкі, атрыманыя ад ахвяр аферыстаў, у крыптавалюту і перадавалі заказчыкам пры асабістых сустрэчах у Мінску. За свае паслугі бралі 27% ад сумы, паведамляе прэс-служба МУС.
Грамадзян Беларусі (у асноўным пажылых) падманвалі ад імя міліцыі і прадстаўнікоў аператараў сотавай сувязі. Дакладна вядома пра не менш за 57 эпізодаў на суму звыш 370 тысяч рублёў.
У ходзе ператрусаў у затрыманых канфіскаваныя грошы і маёмасць, якія будуць выкарыстаныя для пагашэння шкоды, нанесенай пацярпелым.
Заведзена крымінальная справа за махлярства.
Павел Алексяевіч (Паштэт) вызваліўся толькі восенню 2024 года. Усяго ж за сваё 43-гадовае жыццё Алексяевіч адседзеў шэсць разоў, уключаючы два тэрміны па прысудах расійскіх судоў, калі ўжо значыўся ў крымінальнай іерархіі злодзеем у законе. Па апошнім вызваленні жыў у Мінску, дзе яму ўстанавілі нагляд тэрмінам на 1 год.
Цяпер чытаюць
«Стаўленне як да скаціны». Прарасійскі блогер расказаў пра 25 сутак ў ІЧУ3
«Стаўленне як да скаціны». Прарасійскі блогер расказаў пра 25 сутак ў ІЧУ
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары