Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Bajpoł» narakaje, što Cichanoŭskaja i Viačorka admaŭlajucca viarnuć im dostup da čat-bota płana «Pieramoha».
Alaksandr Azaraŭ, kiraŭnik «Bajpoła» i rucha «Zakon i pravaparadak», apublikavaŭ aficyjnuju zajavu. U joj jon paviedamiŭ, što płan «Pieramoha» zakryvajecca, a ŭsich jaho ŭdzielnikaŭ «pieravodziać u rezierv».
«U metach zabieśpiačeńnia biaśpieki ŭdzielnikaŭ płana «Pieramoha», u suviazi sa strataj dostupu da čat-bota płana «Pieramoha» ŭ mai 2024 hoda i admovaj Śviatłany Cichanoŭskaj i Franaka Viačorki viarnuć jaho, abviaščajem pra zakryćcio płana «Pieramoha» da asablivaha rasparadžeńnia. Usie ŭdzielniki płana pieraviedzieny ŭ rezierv», — piša Azaraŭ.
Ale, jak abvieščana, zastajucca adkaznyja:
- za «rezierv śpiecyjalnaha, chutkaha i apieratyŭnaha pryznačeńnia» adkaznym pryznačany Siarhiej Makar;
- adkaznym za «rezierv nazirańnia, dakumientavańnia i rasśledavańnia» pryznačany Stanisłaŭ Łupanosaŭ;
- adkazny za «rezierv analityki, kamunikacyj i suviaziaŭ z hramadskaściu, a taksama ahulnaje kiraŭnictva» — Alaksandr Azaraŭ.
Dostup u Azarava zabrali paśla taho, jak jon adpraviŭ udzielnikam płana zaklik prahałasavać za jaho na vybarach u Kaardynacyjnuju radu.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny22
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary