Narešcie vyzvalili palitviaźnia z Homiela Siarhieja Jafimava, jakoha trojčy zapar pakidali za kratami praz novyja prysudy. Jon vyjšaŭ na volu tolki paśla taho, jak całkam adsiedzieŭ try terminy, piša «Homielskaja viasna».
Siarhiej Jafimaŭ staŭ adnym ź pieršych źniavolenych za ŭdzieł u pratestach suprać falsifikacyi vybaraŭ 2020 hoda. 9 žniŭnia jaho zatrymali i abvinavacili ŭ «hvałcie suprać supracoŭnikaŭ milicyi». U listapadzie 2020-ha sudździa Siarhiej Karmanovič prysudziŭ jamu 3 hady kałonii ahulnaha režymu, zajaviŭšy, što jon nibyta raspyliŭ haz i źbiŭ troch AMAPaŭcaŭ. Pry hetym paciarpiełyja nie źviartalisia pa miedycynskuju dapamohu, ekśpiertyza nie pravodziłasia, śviedkaŭ nie było.
Pravaabaroncy pryznali Jafimava palitviaźniem, padkreśliŭšy, što jaho pieraśled byŭ źviazany vyklučna z udziełam u mirnych pratestach. Jon adbyvaŭ termin u kałonii №14 pad Barysavam.
U červieni 2023 hoda, napiaredadni vyzvaleńnia, Jafimavu zładzili novy sud: sudździa Śviatłana Samusieva dadała jašče 1 hod źniavoleńnia pavodle art. 411 KK («złosnaje niepadparadkavańnie administracyi»). Kali i hety termin skončyŭsia, jaho znoŭ asudzili — hetym razam sudździa Ludmiła Zinkievič pryznačyła jašče hod turmy pa tym ža artykule.
Apošnim miescam utrymańnia Jafimava była śledčaja turma №8 u Žodzinie. Ciapier ža jon urešcie paśla adbytych troch terminaŭ apynuŭsia na voli.
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia
Zvyčka da krataŭ. Były palitźniavoleny miedyk raskazaŭ, što turma robić ź viaźniami i ich nahladčykami
Žurnalist Ihar Karniej pra toje, jak atrymaŭ u spadčynu represavanyja hieny
Jak źmianilisia biełarusy paśla 2020 hoda? Cikavaje nazirańnie byłoha palitviaźnia
U zahinułaj u Ślapiancy dziaŭčynie apaznali Janu Kastrankovu2
Kamientary