Rasija ŭniasie papraŭki ŭ zakon ab normach znachodžańnia zamiežnych hramadzian u RF, jakija dazvolać biełaruskim hramadzianam nie zdavać ekzamien pa ruskaj movie, paviedamiŭ prezident RF Uładzimir Pucin.
«Jak viadoma, z 1 studzienia biahučaha hoda zamiežnyja hramadzianie, jakija žadajuć žyć i pracavać u Rasii, pavinny paćvierdzić vałodańnie ruskaj movaj, viedańnie rasijskaj historyi i asnoŭ zakanadaŭstva. Razam z tym, uličvajučy asablivy charaktar rasiejska-biełaruskich suviaziaŭ, my pryniali pryncypovaje rašeńnie nie raspaŭsiudžvać dziejańnie hetych normaŭ na hramadzian Biełarusi. Dla hetaha spatrebicca ŭnieści papraŭki ŭ dziejučaje zakanadaŭstva. Adpaviedny zakonaprajekt užo padrychtavany i razhladajecca ŭ Dziaržaŭnaj Dumie», — skazaŭ Pucin pa vynikach pieramovaŭ z Alaksandram Łukašenkam u aŭtorak.
Kiraŭnik rasijskaj dziaržavy adznačyŭ, što «pryniaćcie hetaha dakumienta ŭ poŭnaj miery adpaviadała b pryncypam sajuźnickaha ŭzajemadziejańnia Rasii i Biełarusi».
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary