Ščotkina: 93% biełarusaŭ pracujuć tolki na adnoj pracy, a treba na dźviuch
Biełarusy musiać prajaŭlać bolšuju pracoŭnuju aktyŭnaść, pieradaje BIEŁTA mierkavańnie ministra pracy i sacyjalnaj abarony Maryjany Ščotkinaj.
«Kab zarabić, siońnia jość mahčymaści, — kaža Ščotkina. — My pahladzieli, što amal 93% biełarusaŭ pracujuć tolki na adnoj pracy, a heta i mužčyny. Ale kali mama zajmajecca doma dziećmi, tak chaj tata «pakrucicca».
Pavodle słoŭ ministra, u hetym hodzie nie płanujecca źmianiać zakanadaŭstva ŭ śfiery sacyjalnaj dapamohi. U budučyni moža być metazhodnym analiz i sistematyzacyja, ale nie źmianšeńnie vypłat sacyjalnaj dapamohi.
Ščotkina miarkuje, što siońnia sacyjalnaja dapamoha siemjam ź niepaŭnaletnimi dziećmi pieravyšaje minimalnuju zarpłatu i suadnosnaja z zarpłatami na pradpryjemstvach. Naradžeńnie dziaciej dziela atrymańnia dapamohi albo kvatery jana nazyvaje niedapuščalnym.
Ab pracoŭnaj aktyŭnaści ministr kazała padčas sustrečy z supracoŭnikami abutkovaj fabryki «Nioman» u Hrodnie. Fabryka maje kalektyŭ u 800 čałaviek, ź jakich 80% — žančyny, jana pierajšła na 4-dzionny pracoŭny tydzień, a zarpłaty apuścilisia nižej za 4 młn biełaruskich rubloŭ.
* * *
Z 1 studzienia 2013 hoda pamier dapamohi pa dohladzie dziciaci va ŭzroście da 3 hadoŭ dyfierencyrujecca ŭ zaležnaści ad kolkaści dziaciej u siamji. Na pieršaje dzicia jon składaje 35 % siaredniamiesiačnaj zarabotnaj płaty rabotnikaŭ respubliki, na druhoje i nastupnych dziaciej — 40%. Dapamoha na dzicia-invalida naznačajecca i vypłačvajecca ŭ pamiery 45% siaredniaj zarpłaty.
Z 1 studzienia 2015 hoda ŭviedzienaja vypłata dla siamiej ź dziciom da 3 hod i dziećmi starejšaha ŭzrostu ŭ pamiery 50% biudžetu pražytačnaha minimumu.
-
Źmieniacca praviły pracy kantraloraŭ u hramadskim transparcie
-
Litoŭskaja stamatałohija za hadzinu adhuknułasia dapamahčy biełarusam. Nieviadomyja historyi pieršaha dnia vyzvalenych palitviaźniaŭ
-
Biełarus paŭhoda sprabavaŭ viarnuć bolš za 6 tysiač jeŭra, jakija zapłaciŭ za časovy ŭvoz mašyny na polskich numarach
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary