Kab padać dakumienty ŭ biełaruskamoŭnuju himnaziju №23, baćki zajmali čarhu z 5:30 ranicy
Kab zapisacca na padaču dakumientaŭ u pieršy kłas himnazii №23 u Minsku, baćki prychodzili da navučalnaj ustanovy ŭ prykładna ŭ 5:30 ranicy. Pra heta «Našaj Nivie» paviedamiła maci pieršakłaśnika himnazii, supracoŭnica IT-kampanii Alena Leščanka.
Alena raskazała, što chacieła pryjści padavać dakumienty a 9-j ranicy, kali pačynaje pracu pryjomnaja kamisija. Adnak znajomaja nastaŭnica papiaredziła, što ŭžo ciaham niekalkich hadoŭ čarha z achvočych pačynaje źbiracca la ŭvachoda ŭ himnaziju a 6-j ranicy.
«Ja ŭvohule nie turbavałasia, dumała, što jak sa starejšaj dačkoj 8 hadoŭ tamu: pryjšli ŭ pieršy dzień, roŭna da času pačatku, zaniali čarhu, byli ŭ liku pieršych, patrapili, kudy chacieli. Ale ŭ vyniku ŭ 5:50 nas zapisali pad numaram 10», — raskazvaje Alena.
Alena Leščanka patłumačyła, što ŭ pieršyja kłasy nabirali 36 čałaviek, jašče kolki miescaŭ pakinuli dla žycharoŭ rajona. Tamu i sabrałasia mnoha ludziej — baćki bajalisia, što dzieciam nie chopić miesca ŭ himnazii. «Mabyć, u nastupnym hodzie himnazija dadatkovy kłas arhanizuje, vuń jak ludzi namahajucca patrapić», — kaža Alena.
U himnazii ź pieršaha kłasa vyvučajuć anhlijskuju i kitajskuju movy. Usie imknucca trapić u kłas z anhlijskaj movaj, tamu takaja i śpieška.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club8
Kamientary