Śpiavak-nacyjanalist vyjšaŭ na treciaje miesca ŭ rejtynhach papularnaści kandydataŭ u prezidenty Polščy
Pieramoha Branisłava Kamaroŭskaha nie vyklikaje sumnievaŭ. Ale dla jaje, mahčyma, spatrebicca druhi tur. U pieršym za dziejnaha prezidenta hatovyja hałasavać 42% vybarcaŭ. Jašče 27% majuć padtrymać kandydata ad apazicyjnaj nacyjanał-kansiervatyŭnaj partyi «Zakon i spraviadlivaść» Andžeja Dudu.
U druhim tury za libierał-kansiervatara Kamaroŭskaha hatovyja prahałasavać 55%, za Dudu — 39% vybarcaŭ. Takija vyniki dało apytańnie, praviedzienaje kampanijaj Millward Brown dla polskaha telekanała TVN.
Na treciaje miesca niečakana vyjšaŭ kandydat-nacyjanalist Pavieł Kukiz.
Jamu hatovyja addać hałasy 9% vybarcaŭ.
51-hadovy Kukiz — śpiavak. Jon syn dziejača kresovych arhanizacyj Tadevuša Kukiza. Palityčnuju viadomaść jon zdabyŭ jak tvorami, tak i hramadskaj dziejnaściu, skiravanaj na zabaronu abortaŭ, hiej-prajdaŭ. Jon taksama redahuje partał, pryśviečany dakumientavańniu polskich mohiłak na byłych «kresach».
Za našumiełuju kandydatku ad Sajuza lavicy demakratyčnaj madelku Mahdalenu Ahurak hatovyja hałasavać tolki 3% vybarcaŭ.
Polskija libierał-kansiervatary z kiraŭničaj Hramadzianskaj płatformy i nacyjanał-kansiervatary z «Zakona i spraviadlivaści» kansensusna pravodziać palityku, skiravanuju na padtrymku niezaležnaści Biełarusi i Ukrainy. Polskija nacyjanalisty, u svaju čarhu, da biełarusaŭ i ŭkraincaŭ staviacca nieprychilna, a sa strataj Vilni, Hrodna i Lvova nie źmirylisia.
Sacyjalnaja płatforma polskich nacyjanalistaŭ blizkaja da pazicyi francuzskaha Nacyjanalnaha frontu.
Voś pieśnia Paŭła Kukiza ź jahonaha niadaŭniaha alboma:
«Jestem moherem, oszołomem,
Nazistą, świnią, homofobem
Zdrajcą, agentem, pomyleńcem,
Wrogiem dla Rosji i Unii Europejskiej
Katolem, który nie rozumie,
Że zarodek to nie człowiek,
Bo chodzić nie umie
Głąbem, co wciąż ma jedną żonę
Jestem moherem
Oszołomem
Ciemnogród jestem i faszysta,
Wróg społeczeństwa, nonkonformista
Matołem jestem obrzydliwym,
Kołtunem, chamem, ścierwem parszywym
Nacjonalistą zaślepionym
I roszczeniowcem pomylonym…»
-
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary