Dla takoj monaetničnaj krainy, jak Biełaruś, prablema źniknieńnia etničnych rys pad skalpielem chirurha moža padacca małazrazumiełaj. Sapraŭdy, mała chto ź biełarusaŭ budzie rabić sabie nos jak u afraamierykanskaj pop-zorki ci razrez vačej jak u Brusa Li. A voś u polietničnych Złučanych Štatach za apošnija niekalki hod litaralna ŭ razy vyrasła kolkaść zvarotaŭ da płastyčnych chirurhaŭ pradstaŭnikoŭ etničnych mienšaściaŭ.
I ŭ suviazi z hetym unutry samich etničnych supołak raście zaniepakojenaść: moładź ličyć inšyja typy źniešnaści pryhažejšymi i imkniecca admovicca ad ułaścivych ich etničnaj hrupie rysaŭ, schavać svajo «niepažadanaje» pachodžańnie (uspomnim evalucyju Majkła Džeksana). Što bolš spryjaje hetamu – rasavyja stereatypy hramadstva ci paraŭnalnaja dastupnaść pracedur i moda na ich, a moža – hłabalizacyja i niepadkantrolnyja patoki infarmacyi, ci niaśpiełaść «hramadstva spažyvańnia», jakoje achviaruje karaniami dziela bolšaj svabody kryłaŭ? Jak by tam ni było, isnuje vidavočnaja tendencyja, jakaja ŭstojliva pašyrajecca.
Asabliva papularnaj praceduraj źjaŭlajecca rynapłastyka – płastyčnaja karekcyja nosa. Mnohija afraamierykanki, naprykład, chočuć zavastryć sabie nos, jak u pradstaŭnic kaŭkazskich narodaŭ. Na heta ŭpłyvaje i źniešnaść pop-zorak kštałtu Biejonse i Cheli Bery (abiedźvie zhadanyja zorki majuć jak afraamierykanskija karani, tak i prodkaŭ-jeŭrapiejcaŭ).
Płastyčnaja chirurhija – darahaja śfiera pasłuh, i sapraŭdy moža niepaznavalna źmianiać rysy tvaru. Ci słušna rabić heta tolki dziela zadavalnieńnia kapryzaŭ maładych ludziej, jakija šukajuć siabie i sposab samavyražeńnia, ci varta pierakonvać ich rabić karekcyju, nie parušajučy etničnych ułaścivaściaŭ, jakija dastalisia ŭ spadčynu?
Adkaz na hetaje pytańnie, chutčej za ŭsio, daduć hrošy. A dzieciam našych unukaŭ, napeŭna, i ŭ hałavu nie pryjdzie, što ludzi mohuć być padobnyja da ŭłasnych baćkoŭ, dziedaŭ, pradziedaŭ. Chiba tolki jany razam słuchajuć muzyku i chodziać da adnaho i taho ž płastyčnaha chirurha…
-
Žanočy ałkahalizm: čym jon roźnicca ad mužčynskaha i jak da takich žančyn stavicca?
-
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
-
Rak moža być zaraznym? Navukoŭcy vyjavili čaćviorty taki vypadak
Ciapier čytajuć
Udava Mikity Miełkaziorava ŭpieršyniu publična raskazała pra noč jaho śmierci11
Udava Mikity Miełkaziorava ŭpieršyniu publična raskazała pra noč jaho śmierci
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary