Ščytavica – załoza, harmony jakoj rehulujuć bieźlič funkcyj arhanizma: rost, vaha, chutkaść abmiennych pracesaŭ, pabudova kostak i navat nastroj, apietyt i tempieramient znachodziacca pad jaje štochvilinnym upłyvam. Ale navukoŭcy ź Ńju-Jorkskaha instytuta technałohij čarhovy raz uzialisia vyvučać upłyŭ harmonaŭ ščytavicy na sardečnuju dziejnaść.
Daśledavałasia 29 žyvioł paśla infarktu mijakarda, ź ich 14 atrymlivali harmony, 15 byli ŭ kantrolnaj hrupie. Praz 2 tydni zamiaščalnaj harmanalnaj terapii harmonam T4 u abiedźviuch hrupach praviali pravakacyju zryvu rytmu. U kantrolnaj hrupie va ŭsich žyvioł raźviŭsia prystup arytmii, u pralečanaj hrupie stan pahoršaŭ tolki ŭ 4 pacukoŭ z 14.
«U pacukoŭ, jakija mieli sardečnuju niedastatkovaść i schilnaść da sardečnaj arytmii, lačeńnie harmonami ščytavicy istotna źniziła imaviernaść zryvaŭ rytmu ŭ paraŭnańni z kantrolnaj hrupaj. Hetaje adkryćcio moža mieć važkaje značeńnie dziela budučaha lačeńnia ludziej, — kaža Jua Džanh, — bo arytmija pieradserdziaŭ sustrakajecca ledźvie nie ŭ pałovy chvorych na serca. U toj ža čas my bačyli, što karekcyja nizkaha roŭniu harmonaŭ ščytavicy rabiła žyvioł značna bolš ustojlivymi da pravakacyi sardečnaha prystupa, navat kali papiarednie žyvioły pieranieśli infarkt mijakarda».
Heta nie pieršaje daśledavańnie takoha efiektu harmonaŭ ščytavicy. Krychu raniej byli apublikavanyja dadzienyja, što harmon T3 praduchilaje paharšeńnie sardečnaj dziejnaści ŭ pacukoŭ z dyjabietam. Ale, tym nie mienš, daktary aścierahajucca pryznačać pacyjentam-sardečnikam zamiaščalnuju harmonaterapiju. Pieraściaroha vyklikanaja tym, što ŭ častki pacyjentaŭ taki padychod vyklikaŭ paharšeńnie sardečnaj dziejnaści. Ale daśledčyki ŭpeŭnienyja, što prablema chavajecca ŭ zavyšanaj dozie harmonaŭ ci ich anałahaŭ.
U lubym razie, pacyjentam ź niedastatkovaściu ščytavicy treba ŭličvać dadatkovuju ryzyku raźvićcia sardečnych chvarob.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva8
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary