Łukašenka padtrymaŭ ideju stvareńnia ŭ Minsku kamunalnaj handlovaj sietki

Alaksandr Łukašenka padtrymaŭ ideju stvareńnia ŭ Minsku kamunalnaj handlovaj sietki. Ab hetym jon zajaviŭ siońnia, prymajučy z dakładam staršyniu Minharvykankama Andreja Šorca.

Andrej Šorac paviedamiŭ, što na kalehii ŭpraŭleńnia handlu Minharvykankama było pryniata rašeńnie stvaryć kamunalnuju handlovuju sietku, jakaja za košt pradastaŭleńnia nizkich cen budzie sadziejničać źnižeńniu koštu pradukcyi ŭ bujnych sietkavych mahazinach. Takim čynam, na jaho dumku, budzie prapanavany jakasny raznastajny asartymient pa prymalnych cenach. Na siońniašni dzień praduhledžvajecca, što kamunalnaja handlovaja sietka budzie stvorana na bazie bolš jak 40 mahazinaŭ. «Heta budzie jak procivaha bujnym handlovym sietkam, jakija taksama buduć hladzieć na hetyja ceny, kab nie było zhavoru», — dadaŭ staršynia Minharvykankama.

«Heta pravilna, heta rynačnaja cana, heta stvoryć kankurencyju na źnižeńnie cen», - padtrymaŭ ideju kiraŭnik dziaržavy. Razam z tym biełaruski lidar ličyć, što kamunalnaj handlovaj sietkaj, jakaja składajecca z bolš jak 40 mahazinaŭ, u dvuchmiljonnym horadzie z haściami nie prosta budzie strymać ceny ŭ bujnych sietkavych mahazinach. «Akramia hetych ekanamičnych rynačnych miechanizmaŭ nieabchodna zabiaśpiečyć i administracyjny kantrol, pierš za ŭsio, za pryvatnym handlem, kab jany nie ŭźnimali ceny. Trymajcie heta pad kantrolem», — padkreśliŭ Łukašenka.

Jon ličyć, što kamunalnuju handlovuju sietku treba pavialičvać, ale nie va ŭron samim mahazinam. «Jany nie pavinny być z-za nizkich cen stratnymi», — skazaŭ biełaruski lidar. Na dumku kiraŭnika dziaržavy, kamunalnaja sietka daść mahčymaść aceńvać situacyju ŭ handli ŭ cełym, a taksama realny košt tavaraŭ.

«U svoj čas, kali mnie prapanavali ŭ Minsku poŭnaściu pryvatyzavać handal, ja skazaŭ «nie». I mnie ŭdałosia tady treć handlu ŭ stalicy pakinuć u kiravańni dziaržavy, hałoŭnaja maja meta była ŭ tym, kab bačyć pracesy, jakija adbyvajucca ŭ handli, kirujučy hetaj dziaržułasnaściu», — adznačyŭ Łukašenka. Tamu, na dumku kiraŭnika dziaržavy, meru Minska nie treba bajacca pašyrać śfieru dziaržaŭnaha handlu, nie strymlivajučy pry hetym pryvatny.

«Mianie prasili pradać HUM, CUM, «Biełaruś», ja skazaŭ «nie, my pradavać pakul nie budziem dla taho, kab kantralavać bujnyja mahaziny i mieć alternatyvu ŭ handli». I samaje hałoŭnaje, kab handal byŭ prazrysty. Tamu pravilna, što stvarajecie kamunalnyja handlovyja sietki, i ich treba pašyrać», — skazaŭ kiraŭnik dziaržavy, źviartajučysia da mera Minska.

Alaksandr Łukašenka ličyć, što nieabchodna padtrymlivać tych, chto budzie pracavać u hetym kamunalnym handli. «Heta budzie kankurencyja. A hałoŭnaje — možna budzie bačyć pracesy, jakija adbyvajucca ŭ handli na prykładzie hetych mahazinaŭ, — dadaŭ biełaruski lidar. — Dziaržaŭny handal pakaža, jakim pavinien być pryvatny. Paraŭnajcie z pryvatnym handlem i zrabicie vyvad — chłopcy žyrujuć ci pracujuć sa stratami, a strat my nie možam dapuścić. Možna budzie bačyć strukturu zatrat u handli naohuł».

• 0
• 0
• 0
• 0
• 0
• 0
• 0
• 0