Majstar tatu: Usio čaściej «nabivajuć» archaičnyja biełaruskija simvały FOTA
Praces naniasieńnia ŭstojlivaha malunka na cieła — tatu — viadomy daŭno. Upieršyniu słova było vykarystanaje ŭ palinezijskaj movie, a ŭ anhlijski ŭžytak termin byŭ uviedzieny viadomym vandroŭnikam Džejmsam Kukam u 1773 hodzie. Da taho času tatuiroŭka ŭ Jeŭropie była sposabam ŭpryhožvańnia čałaviečaha cieła i nie mieła asobnaj nazvy.
Na vulicach haradoŭ možna sustreć usio bolš ludziej, cieły jakich upryhožvaje hety vid avanhardnaha mastactva. Jakija malunki ciapier samyja papularnyja i čamu ludzi nanosiać ich?
Adkazy na hetyja pytańni dali majstry tatu Anton i Aleś, jakija pracujuć u sałonie «U lisicy».
Jak zaŭvažaje Anton, ludzi pierastali bajacca, nakładać na siabie roznaha kštałtu tabu i stali bolš raźniavolenymi. Momant naniasieńnie tatu nie abmiažoŭvajuć ni ŭzrost, ni poł čałavieka, ni jaho sacyjalny status.
Jon vyznačaje peŭnyja tendencyi ŭ evalucyi tatuiroŭki. Pa-pieršaje, imknieńnie da samaidentyfikacyi i samavyražeńnia. Kali raniej chłopcy byli vaŭkami, a dziaŭčaty – kotkami, to ciapier malunki stanoviacca bolš raznastajnymi. Ludzi prynosiać svaje eskizy, jakija adpaviadajuć ich hustu.
Pa-druhoje, vybar miesca dla naniasieńnia tatu staŭ nieabmiežavanym, choć raniej dziaŭčaty imknulisia schavać svaje malunki pad vopratku. Moda na kankretnuju častku cieła dla tatu sastupiła žadańniu vyłučycca i vybrać miesca samomu. Naprykład, chłopcy zvyčajna abirajuć šyju, ruki, ikry, śpinu i klučycu. Pa-treciaje, usio bolš možna nazirać kalarovyja tatu, choć i «kłasičnyja» čorna-biełyja nie vyjšli z mody. Što datyčycca pamieraŭ, to dziaŭčyny stali rabić usio bolšyja tatuiroŭki. Čaściakom paśla pieršaha razu byvaje i druhi, i treci… Byvajuć navat vypadki, kali miescam dla tatu stanovicca ŭsio cieła – tak zvany «kaścium», jaki zvyčajna vyhladaje davoli cełasna ŭ tematyčnym płanie (naprykład, u sałonie ŭžo nanosili malunki ŭ styli fentezi).
Majstar Aleś raspaviadaje, što zaraz nazirajecca tendencyja da nabivańnia archaičnych biełaruskich simvałaŭ. Padobnyja tatuiroŭki jon robić minimum raz na tydzień.
Achvotnych zapisvajuć mienavita da Alesia, jaki pieršym u sałonie raspracavaŭ i zrabiŭ takoje tatu.
Niemałavažnaj źjaŭlajecca cana pracedury. Tatuiroŭka płoščaj zapałkavaj puški kaštuje 530 tysiač rubloŭ, a voś za bolšuju, pamieram z pačak cyharet daviadziecca zapłacić kala 800 tysiač.
-
U Vindzarskim zamku Miełanija Tramp była absalutna niepranikalnaj. A paśla pieraapranułasia — i stvaryła procilehłaje ŭražańnie FOTY
-
Nie nasicie hetych hadzińnikaŭ z kaściumam! Praviły vybaru mužčynskich hadzińnikaŭ
-
Žonka i padčarka Alaksandra Hleba zapuścili ŭłasny brend žanočaha adzieńnia. Buduć kankuravać sa svajačkaj
Kamientary