Hramadstva3030

Niaklajeŭ na Majdanie: «Siońnia tut vyrašajecca los Biełarusi». Michałok: «Vy supierhieroi!» — videa

 U Kijevie na Jeŭramajdanie siońnia vystupiŭ śpiavak Siarhiej Michałok. 

Biełaruski hurt «Lapis Trubiacki» davaŭ hastrolny kancert u kijeŭskaj Stereoplaza, ale zavitaŭ na Majdan, dzie vykanaŭ niekalki pieśniaŭ.

Siarhiej Michałok źviarnuŭsia da prysutnych (pavodle ŭkrainskich ŚMI, na Majdanie viečaram suboty sabralisia kala 15 tysiač čałaviek): «My tut, kab pieradać vialikaje vitańnie ź Biełarusi. My, biełarusy, hladzim na vas z pavahaj i zachapleńniem.

Bo svaim prykładam vy pakazali, što z dapamohaj mužnaści, hieraizmu i salidarnaści i narodnaha adzinstva

možna nie tolki zmahacca za svaje hramadzianskija pravy i svabody, ale i realna dać adpor palityčnamu, dziaržaŭnamu i palicejskamu biespradziełu. Vy — supierhieroi! Ura!» 

«Lapisy» vykanali niekalki pieśniaŭ, u tym liku «Nie być skotam!».

Padčas vystupu dvoje maładych ludziej uźniali bieł-čyrvona-bieły ściah na samym vysokim budynku na Majdanie.

Na Majdanie siońnia łunali dziasiatki bieł-čyrvona-biełych ściahoŭ.

Viečaram u subotu na Majdanie Niezaležnaści ŭ Kijevie vystupiŭ i eks-kandydat u prezidenty, piśmieńnik Uładzimir Niaklajeŭ.

«Viečar dobry Kijeŭ, viečar dobry, Ukraina, viečar dobry, Jeŭropa, — kaža Niaklajeŭ — Ja nie tolki palityk, ale i biełaruski paet». Jon čytaje vierš «Kryvinka».

«Ja kłaniajusia tabie, ukrainski narod, — emacyjna kaža Niaklajeŭ.

— za toje, što niazłomna staiš za svajo samaje, kab być nasamreč volnym, niezaležnym narodam. Da toj samaj mety idzie i biełaruski narod, i my dojdziem chutčej, kali budziem iści razam. Ale nam nie dajuć być razam…».

Niaklajeŭ raspaviadaje Majdanu pra aryšt aŭtobusa pad Marjinaj Horkaj. Niahledziačy na heta, mnohija aktyvisty dabralisia da Kijeva, i stajać tut na Majdanie, — kaža jon.

«My razam, bo tut vyrašajecca nie tolki los Ukrainy, ale i los Biełarusi. My razam pieramožam. Ja kłaniajusia tabie, Ukraina»

Udzielniki Majdanu ŭ adkaz razharnuli transparant z nadpisam pa-biełarusku: «Kožnaha, chto salidarny nam, prymie, nakormić, sahreje Majdan».

I adkazvali vokličami: «Žyvie Biełaruś!»

Žurbuju — pomnišsia ŭ žurbie.
Śviatkuju — u śviatočnaj skrusie.
O, Ukraina! Ja tabie
I za haroju pakłaniusia.

Nakanavana pomnić dvum,
Što pa nialubych nie sumujuć,
Što źbierahaje tolki sum
Nia pamiać rečy — reč samuju.

I kali bjuć navodmaš straty, —
Kab niešta źbierahčy,
Ciabie
Prykusvaju, sałanavatuju,
Niby kryvinku na hubie.

Kamientary30

Ciapier čytajuć

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»8

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»

Usie naviny →
Usie naviny

U Park vysokich technałohij pryznačyli novaha dyrektara1

Adyška ŭ Łukašenki ciapier užo i kali jon havoryć siedziačy VIDEAFAKT10

Matč futbolnaj zbornaj z-za kiepskaha stanu pola pieranieśli sa stadyjona «Dynama» ŭ Barysaŭ

U Raduni na aŭkcyjonie pradali budynak staroj ješyvy

«Rychtavaŭsia da vyjezdu, ale nie paśpieŭ». Byłoha palitviaźnia paŭtorna zatrymali nieŭzabavie paśla vychadu z kałonii2

Rasijskaha «hieroja SVA» ŭ Staŭrapali ŭzarvaŭ chłopiec, ź jakim jon paznajomiŭsia na resursie dla hiej-znajomstvaŭ5

Stali viadomyja akaličnaści zabojstva pad Oršaj adnaho rasijskaha palicejskaha druhim5

Biełarus pryjechaŭ z Polščy abnavić pašpart, a staŭ fihurantam kryminalnaj spravy z zabaronaj na vyjezd. I pytańnie nie ŭ palitycy5

Chałodny maj udaryŭ pa kłubnicach. Biełaruskija fiermiery kažuć ab źnižeńni ŭradžaju

bolš čytanych navin
bolš łajkanych navin

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»8

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»

Hałoŭnaje
Usie naviny →

Zaŭvaha:

 

 

 

 

Zakryć Paviedamić