Грамадства3030

Някляеў на Майдане: «Сёння тут вырашаецца лёс Беларусі». Міхалок: «Вы супергероі!» — відэа

 У Кіеве на Еўрамайдане сёння выступіў спявак Сяргей Міхалок. 

Беларускі гурт «Ляпіс Трубяцкі» даваў гастрольны канцэрт у кіеўскай Stereoplaza, але завітаў на Майдан, дзе выканаў некалькі песняў.

Сяргей Міхалок звярнуўся да прысутных (паводле ўкраінскіх СМІ, на Майдане вечарам суботы сабраліся каля 15 тысяч чалавек): «Мы тут, каб перадаць вялікае вітанне з Беларусі. Мы, беларусы, глядзім на вас з павагай і захапленнем.

Бо сваім прыкладам вы паказалі, што з дапамогай мужнасці, гераізму і салідарнасці і народнага адзінства

можна не толькі змагацца за свае грамадзянскія правы і свабоды, але і рэальна даць адпор палітычнаму, дзяржаўнаму і паліцэйскаму беспрадзелу. Вы — супергероі! Ура!» 

«Ляпісы» выканалі некалькі песняў, у тым ліку «Не быць скотам!».

Падчас выступу двое маладых людзей узнялі бел-чырвона-белы сцяг на самым высокім будынку на Майдане.

На Майдане сёння луналі дзясяткі бел-чырвона-белых сцягоў.

Вечарам у суботу на Майдане Незалежнасці ў Кіеве выступіў і экс-кандыдат у прэзідэнты, пісьменнік Уладзімір Някляеў.

«Вечар добры Кіеў, вечар добры, Украіна, вечар добры, Еўропа, — кажа Някляеў — Я не толькі палітык, але і беларускі паэт». Ён чытае верш «Крывінка».

«Я кланяюся табе, украінскі народ, — эмацыйна кажа Някляеў.

— за тое, што нязломна стаіш за сваё самае, каб быць насамрэч вольным, незалежным народам. Да той самай мэты ідзе і беларускі народ, і мы дойдзем хутчэй, калі будзем ісці разам. Але нам не даюць быць разам…».

Някляеў распавядае Майдану пра арышт аўтобуса пад Мар'інай Горкай. Нягледзячы на гэта, многія актывісты дабраліся да Кіева, і стаяць тут на Майдане, — кажа ён.

«Мы разам, бо тут вырашаецца не толькі лёс Украіны, але і лёс Беларусі. Мы разам пераможам. Я кланяюся табе, Украіна»

Удзельнікі Майдану ў адказ разгарнулі транспарант з надпісам па-беларуску: «Кожнага, хто салідарны нам, прыме, накорміць, сагрэе Майдан».

І адказвалі воклічамі: «Жыве Беларусь!»

Журбую — помнішся ў журбе.
Сьвяткую — у сьвяточнай скрусе.
О, Украіна! Я табе
І за гарою пакланюся.

Наканавана помніць двум,
Што па нялюбых не сумуюць,
Што зьберагае толькі сум
Ня памяць рэчы — рэч самую.

І калі б’юць наводмаш страты, —
Каб нешта зьберагчы,
Цябе
Прыкусваю, саланаватую,
Нібы крывінку на губе.

Каментары30

Цяпер чытаюць

Ціханоўскі патлумачыў, чаму ён так паводзіў сябе ў Нью-Ёрку90

Ціханоўскі патлумачыў, чаму ён так паводзіў сябе ў Нью-Ёрку

Усе навіны →
Усе навіны

Украінскі марскі беспілотнік пад ураганным агнём даплыў да нафтаналіўнога тэрмінала Туапсэ і ўзарваў яго ВІДЭА4

Залужны: Украіну ўратуе стварэнне кіберфізічнай сістэмы абароны, з апорай на робатаў3

«Быў страчаны момант з Беларуссю». Зяленскі падчас выступлення ў ААН згадаў нашу краіну10

Аўтапэн замест партрэта. У Белым доме вытанчана паздзекаваліся з Джо Байдэна15

Ціханоўская ў Нью-Ёрку паразмаўляла з Каралем Наўроцкім ВІДЭА7

«Адзін мінус — тут я разлюбіў бульбу». Егіпцянін ажаніўся з беларускай і пераехаў у Брэст1

У Вялікабрытаніі з'явіўся вайсковы аташэ ў Беларусі12

У Nvidia праблема: занадта шмат грошай3

Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару29

больш чытаных навін
больш лайканых навін

Ціханоўскі патлумачыў, чаму ён так паводзіў сябе ў Нью-Ёрку90

Ціханоўскі патлумачыў, чаму ён так паводзіў сябе ў Нью-Ёрку

Галоўнае
Усе навіны →

Заўвага:

 

 

 

 

Закрыць Паведаміць