«Экстрэмісцкім фармаваннем» прызналі арганізацыю беларускіх студэнтаў у Польшчы
Рашэнне аб прызнанні арганізацыі «Ліхтар» «экстрэмісцкім фармаваннем» было прынятае КДБ 28 студзеня.
Паводле ведамства, дачыненне да арганізацыі маюць Аляксей Грахоўскі (2003 года нараджэння), Ілля Міхневіч (2001), Віктар Баранаў (1997). Старонкі праекта ў сацыяльных сетках былі прызнаныя «экстрэмісцкімі».
На старонцы арганізацыі ў фэйсбуку пазначана, што «Ліхтар» — гэта супольнасць беларускіх студэнтаў Універсітэта імя Адама Міцкевіча ў Познані.
На сёння ў спісе «экстрэмісцкіх фармаванняў», які вядуць МУС і КДБ, налічваецца 330 арганізацый.
Каментары