У Расіі школьнік забіў чыноўніка, які адказваў за блакаванне інтэрнэту
Хлопец пільнаваў, калі супрацоўнік Раскамнагляду будзе выходзіць з працы.
У Маскве забіты высокапастаўлены супрацоўнік Раскамнагляду Аляксей Бяляеў, паведамляе канал «ВЧК-ОГПУ». Той супрацоўнік адказваў за блакіроўкі і запавольванне трафіку. За забойства затрымалі 16‑гадовага школьніка Арцёма.
Забойства здарылася яшчэ 19 студзеня.
Пра гэта тэлеграм-канал даведаўся выпадкова з паведамлення маці хлопца, якая спрабавала знайсці ў сацсетках адваката для сына. Потым яна выдаліла гэтую інфармацыю.
Маці школьніка пісала ў сацсетках, што яе сын ударыў чыноўніка нажом у грудзі, калі той выходзіў з офіса Раскамнагляду. Яму інкрымінуюць ч.2 арт. 105 Крымінальнага кодэксу Расіі (забойства па матывах палітычнай і ідэалагічнай нянавісці).
Маці пісала, што яе сын быў супраць дзейнасці Раскамнагляду і рыхтаваў напад.
Хлопец вучыўся добра, вёў ютуб-канал, захапляўся гульнямі і анімацыяй.
Аляксей Бяляеў працаваў у Раскамнаглядзе больш за 10 гадоў. На момант забойства ён быў намеснікам начальніка аддзела кантролю і надгляду ў сферы сувязі. Гэты аддзел блакіруе асобныя сайты і каналы.
Каментары
[Зрэдагавана]
Хлопчык проста хацеў жыць як усе сучасныя людзі ва ўсім свеце: весці блогі ў ютубе, гуляць у гульні, маляваць мульцікі.
Але ж нарадзіўся не ў той краіне....
Дзе хворыя на галаву дзядзькі блакуюць інтэрнэт і гоняць моладзь паміраць у акопах на захопніцкай вайне.