«Заняпад — гэта выбар». Марка Рубіа ў Мюнхене заклікаў Захад прызнаць памылкі і абнавіць сусветны парадак
Дзяржсакратар ЗША на Мюнхенскай канферэнцыі па бяспецы заявіў, што Захад дапусціў стратэгічныя пралікі ў пытаннях свабоднага гандлю, кліматычнай палітыкі і міграцыі, піша Bild.
Паводле яго слоў, краіны «разам здзейснілі гэтыя памылкі», перадаўшы частку суверэнітэту міжнародным структурам, паддаўшыся «кліматычнай секце і беспрэцэдэнтнай масавай міграцыі».
«Нацыянальная бяспека — гэта не проста тэхнічнае пытанне. Колькі мы трацім на ўзбраенне, як мы яго выкарыстоўваем — гэта важныя пытанні, але не самыя ключавыя. Ключавое пытанне, на якое мы павінны адказаць: што менавіта мы абараняем? Арміі змагаюцца за людзей, арміі змагаюцца за нацыі, арміі змагаюцца за лад жыцця», — адзначыў Рубіа.
Кіраўнік Дзярждэпартамента таксама заклікаў рэфармаваць міжнародныя інстытуты, а не ліквідаваць іх. ААН, на яго думку, здольная прыносіць карысць, але так і не змагла вырашыць ключавыя крызісы.
Ён нагадаў, што ў пытаннях перамір'я ў Газе і перамоў па Украіне спатрэбілася амерыканскае лідарства.
«Заняпад — гэта выбар. ЗША не хочуць быць кіраўнікамі кантраляванага заняпаду і разлічваюць на моцных саюзнікаў», — рэзюмаваў Рубіа.
-
Ад украінскай спявачкі Волі Паляковай патрабавалі выбачыцца за відэа з «харошым рускім». Яе адмова выклікала скандал
-
ЗША забяспечаць міграцыйную службу ICE пальчаткамі з электрашокам
-
Былы віцэ-прэзідэнт Газпрамбанка Валабуеў — пра службу ва УСУ, сувязь з падполлем «Чорная іскра» і адмову ад сям'і ў Расіі
Каментары
А тым часам трохі імёнаў ключавых фігураў MAGA і іжэ зь імі:
– Мэланія Трамп, у дзявоцтве Кнаўс. Камэнтары хіба лішнія.
– Уша Вэнс, у дзявоцтве Уша Бала Чыкулуры.
– Мадгу Гатумукала. Камэнтары хіба лішнія. Тыповы ўайт англа-амэрыкан з крыві і косьці.
– Кэш Патэл. Таксама абсалютна не мігрант.
– Ілан Маск. Таксама дужа-дужа карэнны амэрыканец.
– Пэтэр Тыль. Даўні сябар і мэнтар Вэнса, мігрант зь Нямеччыны. Дарэчы, мае дужа цікавую (з пункту гледжаньня MAGA-сэкты) арыентацыю.
– Нік Фуэнтэс. Ганаровы носьбіт вельмі традыцыйнага і англаамэрыканскага прозьвішча і па сумяшчальніцтве сын эмігранта з Мэксыкі.
Razumieć pad tymi słovami možna što zaŭhodna, i prymianić da čaho zaŭhodna, i ŭ luboj pozie...