Vosiem patryjarchaŭ jeduć siońnia ŭ Minsk z Andrejeŭskim kryžam

Patryjarch Maskoŭski i ŭsioj Rusi Kirył i niekalki kiraŭnikoŭ inšych pamiesnych pravasłaŭnych cerkvaŭ prybuduć siońnia ŭ Minsk.

Kiraŭnik RPC, a taksama Patryjarch Aleksandryjski Fiodar, Patryjarch Jerusalimski Fieafił, Patryjarch Hruzinski Illa, Patryjarch Sierbski Irenej, Archijepiskap Kiprski Chryzastom, Mitrapalit Varšaŭski Sava i Mitrapalit Amierykanski Cichan pryjeduć pozna ŭviečary na litarnym ciahniku. Na im budzie dastaŭleny i kryž, na jakim, jak kaža padańnie, pryniaŭ pakutnickuju śmierć śviaty apostał Andrej Pieršazvanny. Kryž dastaviać u Chram Andreja Pieršazvannaha na Malinina, 19, dzie jon budzie znachodzicca da viečara paniadziełka.

Miarkujecca, što ciahnik prybudzie ŭ Minsku ŭ 23:45.

Pavodle zaćvierdžanaj prahramy, paviedamlaje BiełaPAN, śviatkavańni 1025-hodździa Chryščeńnia Rusi adkryje 29 lipienia ŭ 7.30 chresny chod ad chrama śviatoj Maryi Mahdaliny pa praśpiekcie Mašerava da Minskaha zamčyšča.

U 9.30 na miescy zamčyšča pad adkrytym niebam patryjarch Maskoŭski i ŭsiaje Rusi Kirył z udziełam zaprošanych pradstajacielaŭ pravasłaŭnych cerkvaŭ praviadzie liturhiju.

Raniej nazyvałasia ličba ŭdździelnikaŭ u 50 tys. čałaviek.

Zatym adbudziecca zakładka pamiatnaj hramaty ŭ padmurak staražytnaha pravasłaŭnaha chrama XI stahodździa ŭ Minsku, jaki płanujuć adnavić na miescy zamčyšča. U 14.00 tut ža pačniecca śviatočny kancert z udziełam pradstaŭnikoŭ usich abłaściej Biełarusi.

U 18.00 adbudziecca ŭskładańnie vianku da abieliska na płoščy Pieramohi, a ŭ 19.30 pačniecca ŭračysty kancert u honar 1025-hodździa Chryščeńnia Rusi la chrama-pomnika ŭ honar usich śviatych. Na 22.00 zapłanavany adjezd haściej

U Minsku (u paniadziełak viečaram tut projdzie jašče adna hrandyjoznaja padzieja — kancert Depeche Mode)

budzie surjozna abmiežavany ruch transpartu.

Z viečara 28 lipienia na praśpiekcie Mašerava na ŭčastku ad vuł. Cimirazieva da vuł. Daŭmana budzie abmiežavanaja parkoŭka transpartu, u tym liku na prylehłych stajankach. Heta źviazana z prybyćciom arhanizavanych kałon viernikaŭ z abłaściej Biełarusi. Chutkaść na hetym učastku budzie źnižana da 40 km u hadzinu, tamu prapusknaja zdolnaść budzie značna źnižana.

29 lipienia ŭ suviazi z dastaŭkaj kryža apostała Andreja ŭ prychod Usich śviatych, pa vuł. Kalinoŭskaha i vuł. Usichśviackaj budzie časova abmiažoŭvacca ruch. Na hetych vulicach až da 2-ha žniŭnia budzie taksama abmiežavanaja parkoŭka.

Ź viečara 28 lipienia da viečara 29 lipienia buduć zakrytyja stajanki, prylehłyja da Pałaca sportu, a taksama budzie abmiežavanaja parkoŭka ŭzdoŭž vuł. Mielnikajte ad vuł. Zasłaŭskaj da pr.

Pieramožcaŭ.

Taksama z nočy 28 lipienia da viečara 29 lipienia budzie zabaronieny prypynak i stajanka transpartu ŭ miascovych prajezdach da vulic Kisialova i Zacharava ŭ rajonie pł. Pieramohi. U druhoj pałovie dnia 29 lipienia budzie abmiežavanyja prypynak i stajanka transpartu ŭ rajonie Pryvakzalnaj płoščy, a taksama budzie časova abmiežavany ruch.

Unosiacca źmieny ŭ pracu hramadskaha transpartu.

27 lipienia ŭračystaści prajšli ŭ Kijevie, z udziełam prezidentaŭ Ukrainy i Rasii Janukoviča i Pucina. Łukašenka ŭ Kijeŭ nie pajechaŭ, choć raniej ukrainskija ŚMI anansavali pryjezd.

U piatnicu Łukašenka padčas naviedvańnia budučaha akvaparka ŭ Minsku zajaviŭ pra nieabchodnaść refarmavańnia Pravasłaŭnaj carkvy.

Łukašenka padkreśliŭ, što jon źjaŭlajecca prychilnikam taho, «kab naša Carkva pastupova refarmavałasia, pačynajučy ad carkoŭnaj movy». «Doŭhija malebny, słužby, propaviedzi… A darosłaje pakaleńnie, babulki prosta nie vytrymlivajuć hetaha», — zaŭvažyŭ jon.

Tamu, na jaho dumku, «treba być bolš karotkimi, kampaktnymi, bolš sučasnymi».

«Ja suprać taho, kab ludzi prychodzili i dźvie-try hadziny słuchali malebien na nahach, nie majučy mahčymaści prysieści», — skazaŭ Łukašenka.

«Tamu nadzieja na našaha patryjarcha, śviataroŭ. Ja ryzyknuŭ ahučyć svoj punkt hledžańnia, i dumaju, nam jość nad čym zadumacca. U Biełarusi my pra heta padumajem», -- skazaŭ jon.

• 0
• 0
• 0
• 0
• 0
• 0
• 0
• 0