Увечары 25 жніўня жыхары Жлобіна пачулі незвычайна гучны гук і выказалі здагадку, што над горадам пралятаў рэактыўны беспілотнік. Паведамленні пра гэта з'явіліся ў сацыяльных сетках, заўважыла выданне «Флагшток».
Прыкладна каля 17:00 жыхары розных частак Жлобіна — у раёне Лебядзёўкі, 16‑м мікрараёне, пасёлку Рабочым і мікрараёне Заходнім — паведамлялі пра гул, падобны да гуку беспілотніка. Сам апарат, паводле іх слоў, разгледзець не ўдалося праз нізкую воблачнасць.
Некаторыя гараджане таксама паведамілі, што ў той жа вечар бачылі нізка пралятаючы знішчальнік. Яго заўважылі над цэхамі Беларускага металургічнага завода і ў цэнтры Жлобіна. Паводле аднаго з паведамленняў, прыкладна ў гэты ж час знішчальнік кружыў і над Светлагорскам.
Каля 17:00 украінскія маніторынгавыя каналы таксама паведамлялі пра актыўнасць вайсковай авіяцыі ва ўсходняй частцы Беларусі. Паведамлялася, што ў паветра падняліся тры знішчальнікі Су-30.
Тым часам яшчэ з раніцы 25 жніўня над Чарнігаўскай вобласцю Украіны фіксавалі групы расійскіх рэактыўных беспілотнікаў. Каля 14:40 адразу шэсць груп рухаліся па ўжо вядомай траекторыі ўздоўж беларуска-ўкраінскай мяжы з усходу на захад.
У Еўропе спрабавалі падарваць чацвёрты за месяц вайсковы завод
Пакуль УСУ наносяць удары па НПЗ, Расія атакуе ўкраінскія АЗС. Якія наступствы гэтых атак?
SCALP. Што вядома пра ракеты, тэхналогіі вытворчасці якіх Украіне перадаюць Брытанія і Францыя
На Дзень незалежнасці Украіны ў Кіеве правялі парад вайсковых робатаў — на зямлі, ў вадзе і ў паветры ВІДЭА
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары