У самым сэрцы Белавежскай пушчы навуковыя супрацоўнікі ўпершыню за ўсю гісторыю назіранняў выявілі дзіўны і загадкавы грыб-паразіт з роду Сізігаспора (Syzygospora), паведамілі ў навуковым аддзеле нацпарка.
Раней прадстаўнікі гэтага роду ў нацыянальным парку не рэгістраваліся.
Як адзначаюць спецыялісты, гэты грыб паражае лясны грыб з роду Gymnopus і літаральна ўкараняецца ў яго тканкі на клеткавым узроўні. У выніку ў гаспадара пачынаюць фарміравацца незвычайныя воскападобныя нарасты, якія нагадваюць мозг.
Паводле слоў даследчыкаў, Syzygospora — вельмі рэдкі і малавывучаны паразіт, таму знаходку пакуль удалося вызначыць толькі да роду.
Каб высветліць, які менавіта від выяўлены ў Белавежскай пушчы — Syzygospora mycetophila ці іншы, магчыма, невядомы навуцы, — навукоўцам трэба будзе правесці дадатковыя мікраскапічныя і генетычныя даследаванні.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай2
Каментары