У акупаваным Севастопалі ўзарвалі аўтамабіль. Яго ўладальнік паранены
Выбух адбыўся прыкладна за 200 метраў ад месца, дзе тры тыдні таму загінуў афіцэр расійскага флоту Роберт Шагееў — былы камандзір украінскай падлодкі, які перайшоў на бок Расіі.
Раніцай 2 верасня на вуліцы Колабава ў Севастопалі ўзарваўся аўтамабіль Mazda.
Мясцовыя жыхары расказалі, што пачулі моцны выбух каля 6:45 раніцы.
Тэлеграм-канал Baza піша, што пад днішча аўтамабіля маглі падкласці самаробнае выбуховае прыстасаванне. У выніку пацярпеў уладальнік машыны, яго даставілі ў бальніцу.
Канал Shot пацвярджае выбух і шпіталізацыю мужчыны, але адзначае, што абставіны пакуль высвятляюць.
Гэта ўжо другі падобны выбух у гэтым раёне за апошні месяц.
13 жніўня за некалькі соцень метраў ад гэтага месца ў выніку выбуху загінуў афіцэр расійскага флоту Роберт Шагееў — былы камандзір украінскай падводнай лодкі «Запарожжа», які пасля анексіі Крыма перайшоў на бок Расіі. ФСБ заявіла, што затрымала жанчыну, якая заклала выбухоўку паводле задання ўкраінскіх спецслужбаў.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары