Apple выдаліла з App Store «Аднакласнікі», «Дзэн» і амаль усе дадаткі холдынгу VK
З расійскага App Store зніклі папулярныя сэрвісы «Аднакласнікі», «VK Музыка», «VK Відэа», «VK Знаёмствы», «VK Званкі», а таксама «Дзэн». Пры гэтым галоўны дадатак сацыяльнай сеткі «УКантакце» пакуль усё яшчэ даступны для спампоўвання.
У холдынгу VK ужо пацвердзілі выдаленне сваіх прадуктаў. Прадстаўнікі VK назвалі рашэнне амерыканскай карпарацыі непрымальным.
«У VK лічаць гэтыя дзеянні непрымальнымі і нічым не матываванымі, паколькі яны абмяжоўваюць доступ дзясяткаў мільёнаў расійскіх карыстальнікаў да ключавых сэрвісаў: сацсетак, месенджараў і пошты».
Гэта не першы падобны выпадак. Так, 4 чэрвеня з App Store быў выдалены месенджар Max. Тады ў Apple заявілі, што выдаленне праграмы звязана з правіламі захавання міжнародных санкцый.
Каментары