У Мінску распрацуюць адзіныя прынцыпы размяшчэння рэкламы ўздоўж дарог
У Мінску рыхтуецца канцэпцыя ацэнкі ўплыву знешняй рэкламы на бяспеку дарожнага руху. Пра гэта паведаміў намеснік начальніка УДАІ ГУУС Мінгарвыканкама Дзяніс Лівановіч падчас пасяджэння камісіі па бяспецы дарожнага руху.
Паводле слоў чыноўніка, дакумент вызначыць агульныя прынцыпы ўстаноўкі рэкламных канструкцый уздоўж дарог як для камерцыйных, так і для дзяржаўных арганізацый, а таксама для органаў, якія ўзгадняюць такія праекты.
Чакаецца, што новыя правілы дапамогуць знізіць суб'ектыўнасць пры прыняцці рашэнняў і зробяць працэс узгаднення больш празрыстым. Пасля распрацоўкі канцэпцыю плануюць вынесці на разгляд Мінскага гарадскога савета дэпутатаў.
Таксама на пасяджэнні абмеркавалі пытанні бяспекі каля ўстаноў адукацыі. Старшыня Мінгарвыканкама Уладзімір Кухараў даручыў поўнасцю забяспечыць бяспеку каля школ і дзіцячых садкоў да 15 жніўня.
У 2026 годзе ў Мінску запланаваная рэалізацыя 271 мерапрыемства на 209 участках вулічна-дарожнай сеткі і дваровых тэрыторый. Сярод іх:
- устаноўка штучных няроўнасцяў;
- звужэнне праезнай часткі ў небяспечных месцах;
- упарадкаванне нерэгуляваных пешаходных пераходаў;
- стварэнне зон высадкі і пасадкі дзяцей каля школ;
- мадэрнізацыя вулічнага асвятлення.
Акрамя таго, разглядалася ініцыятыва па абмежаванні руху грузавікоў на асобных участках МКАД. Плануецца вызначыць эксперыментальны ўчастак, дзе на працягу года будуць вывучаць уплыў новых абмежаванняў на аварыйнасць і інтэнсіўнасць руху. Па выніках эксперыменту будуць прынятыя далейшыя рашэнні.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»35
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2525
Каментары