Здарэнне адбылося яшчэ ў сярэдзіне красавіка. Жанчыне пасля ўжывання алкаголю стала дрэнна. Брыгада медыкаў выехала па адрасе.
У кватэры было двое: мужчына і жанчына. Са слоў медыцынскіх работнікаў, лаяўчанка была ўзбуджаная, гучна крычала, ужывала нецэнзурную лексіку, паводзіла сябе агрэсіўна.
У нейкі момант мужчына, які таксама знаходзіўся ў стане алкагольнага ап’янення, накіраваў у бок медработнікаў пісталет. Брыгада спешна пакінула кватэру і паведаміла пра здарэнне ў міліцыю.
Міліцыя, што прыбыла на месца здарэння, затрымала мужчыну, а зброю накіравала на балістычную экспертызу.
Згодна з заключэннем эксперта, канфіскаваная зброя з’яўляецца пнеўматычным газабалонным пісталетам «Borner М84», прызначаным для стральбы з выкарыстаннем сферычных куль калібру 4,5 мм, адносіцца да канструктыўна падобных да пнеўматычнай зброі вырабаў з дульнай энергіяй 2,28 Дж. Агнястрэльнай зброяй дадзены ўзор не з’яўляецца. Пісталет прыдатны для стральбы.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары