Проста зараз у раёне Трактарнага завода прадаецца аднапакаёвая кватэра з сапраўды запамінальным рамонтам. Аўтары аб’явы сцвярджаюць, што гэта не проста кватэра, а гатовы бізнэс з высокай даходнасцю, піша Realt.by.
Аднапакаёвая кватэра размяшчаецца на першым паверсе чатырохпавярховага цаглянага дома па вуліцы Будзённага, 19.
Будынак, у якім знаходзіцца жыллё, — класічная «сталінка» 1955 года пабудовы: з вялікімі вокнамі, тоўстымі сценамі і высокімі трохметровымі столямі.
Агульная плошча кватэры складае 40 квадратных метраў. Мяркуючы па ўсім, у жыллі была зроблена перапланіроўка. Тут прыбралі калідор, павялічылі санвузел і аб’ядналі кухню з жылым пакоем.
Унутры кватэры — «не тыпавы рамонт, а інтэр’ер, які немагчыма забыць». На фотаздымках можна заўважыць незвычайную наліўную падлогу, чырвоную кветку, фрэску з імітацыяй дрэва, статую жанчыны-анёла і многае іншае.
На кухні новых уладальнікаў чакае дарагая італьянская кухонная мэбля, а ў пакоі — эфектны круглы ложак.
У аб’яве адзначаецца, што кватэра паспяхова здаецца ў пасутачную арэнду, а сярэдняя запаўняльнасць складае 24 дні на месяц. Паводле падлікаў рыэлтараў, калі працягнуць здаваць жыллё, то аднапакаёўка акупіцца ўжо праз 6 гадоў і 8 месяцаў.
Побач з домам знаходзіцца станцыя метро «Трактарны завод», а таксама новы стадыён, буйныя гандлёвыя цэнтры, школы і дзіцячыя сады.
Кватэру прадаюць за 272 тысячы рублёў, або 96 тысяч даляраў (6806 рублёў, або 2407 даляраў за квадратны метр).
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося29
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары
Але!!! Потым разумееш, што кватэра перадае душУ былога гаспадара. Нават калі ён памёр - ён усё роўна ў ёй жыве, яго душа ў ёй жыве. Тут і ружыя кветкі, і неба ў аблоках, і заліўныя палы, і рэальныя ствалы дрэў, і торсы жанчын. Але, калі такая безгустоўнасць, ды ў такіх об'ёмах, то гэта ўжо пачынае гучаць па-новаму, становіцца новым напрамкам у дызайне.
Гэта як, ну, напрыклад, такая плынь у мастацтве, як Прымітывізм - практычна дзіцячая мазня, ігнараванне акадэмічных стандартаў, але гэта ўжо і ёсць рэальнае МАСТАЦТВА (а, галоўнае, дорага).
А наконт здаваць пастаяльцам пасутачна. Не, не і не! Якія небудзь маскавіты напьюцца ... а далей ... . Адным словам, аднавіць ГЭТА ўжо будзе немагчыма. Немагчыма таму, што кватэра існуе як адзінае цэлае, яна ўнікальна.
Пралетарскi ад з калдырамi