У кітайскай пустыні разгледзелі з космасу дзясяткі новых ядзерных аб'ектаў
На спадарожнікавых здымках у пустыні ў кітайскім Сіньцзян-Уйгурскім аўтаномным раёне пабачылі дзясяткі новых вайсковых аб’ектаў, звязаных з ядзернай інфраструктурай. Паводле інфармацыі выдання Metro, Кітай за апошнія шэсць гадоў пабудаваў больш за 80 пляцовак, якія, як мяркуецца, могуць выкарыстоўвацца для размяшчэння ракет.
Гэтыя аб’екты знаходзяцца прыкладна за 150 кіламетраў ад раёна Хамі, дзе ўжо размешчаныя ядзерныя шахты з дальнабойнымі ракетамі. Новыя пляцоўкі звязаныя паміж сабой дарогамі і транспартнай інфраструктурай, што сведчыць пра вялікі маштаб праекта.
У цэнтры гэтай разгалінаванай сеткі, якая ахоплівае тысячы квадратных кіламетраў, знаходзяцца спецыяльныя будынкі васьмікутнай формы. У іх, як мяркуецца, размяшчаюцца жыллё для вайсковага персаналу і буйная тэхніка.
Эксперты лічаць, што гэтыя пляцоўкі могуць выкарыстоўвацца для мабільных зенітных сістэм, сродкаў радыёэлектроннай барацьбы або нават для перасоўных міжкантынентальных ракет.
Спецыялісты, якія прааналізавалі спадарожнікавыя здымкі, адзначаюць, што Кітай істотна ўзмацняе і робіць больш разнастайнымі свае ядзерныя сілы. Некаторыя эксперты называюць маштабы будаўніцтва беспрэцэдэнтнымі і адзначаюць, што раней нічога падобнага не назіралася.
Паводле справаздач Пентагона, Кітай хутчэй за іншыя краіны нарошчвае свой ядзерны арсенал і можа дасягнуць узроўню каля 1000 боегаловак да 2030 года. Хоць гэта ўсё яшчэ значна менш, чым у ЗША і Расіі, рост лічыцца вельмі хуткім.
Пры гэтым Кітай развівае сістэмы ранняга папярэджання, у тым ліку спадарожнікі, здольныя вельмі хутка выяўляць запуск міжкантынентальных ракет і перадаваць інфармацыю ў камандныя цэнтры. Гэта дае магчымасць хутчэй рэагаваць у выпадку атакі.
Акрамя таго, у Пекіне падчас ваеннага параду дэманстраваліся ўзоры ўзбраення, якія могуць несці ядзерныя боегалоўкі, што падкрэслівае развіццё гэтай сферы.
Нягледзячы на афіцыйна заяўлены прынцып Кітая аб невыкарыстанні ядзернай зброі першым, некаторыя дыпламаты лічаць, што яе выкарыстанне нельга цалкам выключаць у выпадку патэнцыйнага канфлікту вакол Тайваня.
Сі Цзіньпін заклікаў Трампа да асцярожнасці ў пытанні Тайваня праз рызыку канфлікту паміж ЗША і Кітаем
ЗША і Кітай пагадзіліся, што Іран ніколі не будзе валодаць ядзернай зброяй
Кітай не будзе ўдзельнічаць ні ў якіх перамовах аб кантролі над ядзернымі ўзбраеннямі
ЗША настойваюць, каб у новай дамове аб кантролі над ядзернымі ўзбраеннямі акрамя Расіі быў і Кітай
Топавага кітайскага генерала вінавацяць у перадачы ядзерных сакрэтаў ЗША
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары
1. Можа мацерыковы Кітай павінен быць вернуты Тайваню?
Вось чаму не?
Дзе на вашую думку атабарыліся мяцежнікі схізматы?
А Паўднёвую Карэю вернем Паўночнай, хіба яны не згодныя? А Маскве ўсё што папросіць. Ну чаму не? Адна мова, адзін ментал. Яраслаў Мудры не дасць схлусіць.
2. Пра "адну кітайскую мову" пагугліце ў інтэрнэце. Тое, што для нас "кітайская мова" насамрэч толькі адна з...
Нават на з'ездах Кампартыі Кітая кожнаму дэлегату выдаецца пісьмовы тэкст прамоваў, бо шмат дэлегатаў не разумеюць "адной мовы", калі вусна.
Іерогліфы агульныя, вусныя мовы не.
3. Пра "адзін ментал" з камуністамі... ну толькі з камуністамі такое і абмяркоўваць.