Паліцыя заклікае жыхароў не набліжацца да месца інцыдэнту і паведамляць пра любыя знойдзеныя абломкі.
Прыкладна а 8:00 раніцы паліцыя атрымала паведамленне ад жыхароў пра падзенне беспілотнага лятальнага апарата ў возера Дрыдзіс у Камбульскай воласці Краслаўскага краю, пры кантакце з вадой ён дэтанаваў. Пацярпелых у інцыдэнце няма, піша Delfi.lv са спасылкай на LETA.
Паліцыя неадкладна выехала на месца і пачала абследаванне тэрыторыі. Былі знойдзены магчымыя абломкі беспілотніка.
Да работ прыцягнуты дадатковыя сілы, уключаючы супрацоўнікаў Дзяржаўнай пажарна-выратавальнай службы з лодкай і падраздзяленні Нацыянальных узброеных сіл, а таксама дадатковыя паліцэйскія дроны.
Паліцыя заклікае жыхароў не набліжацца да месца інцыдэнту і паведамляць пра любыя знойдзеныя абломкі.
Жыхары усходняй Латвіі — Латгаліі і Відзэмэ — атрымлівалі папярэджанні сістэмы апавяшчэння, звязаныя з набліжэннем або ўваходам у паветраную прастору Латвіі дронаў, верагодна звязаных з вайной Расіі і Украіны.
У шэрагу выпадкаў такія беспілотнікі таксама выбухалі на тэрыторыі Латвіі, у тым ліку інцыдэнт 7 мая на мала задзейнічанай нафтабазе ў Рэзэкнэ.
Дагэтуль у падобных інцыдэнтах ніхто не пацярпеў, аднак апошні выпадак у Рэзэкнэ спачатку прывёў да адстаўкі міністра абароны, а затым і ўсяго ўрада на чале з Эвікай Сіліняй.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары