Даўгабуд МАЗа ў Мінску ператвараюць у архіў з перадавымі тэхналогіямі
У Мінску за гандлёвым цэнтрам «МОМА» працягваецца будаўніцтва новага комплексу дзяржаўнага архіва. Асаблівасць праекта ў тым, што пад архіў перабудоўваюць вядомы гарадскі даўгабуд, які першапачаткова ўзводзілі для МАЗа, піша Office Life.
Комплекс складаецца з трох блокаў. Цяпер на аб’екце вядуцца фасадныя, дахавыя і ўнутраныя работы. У будынку створаць спецыяльныя кліматычныя зоны, каб забяспечыць належнае захоўванне дакументаў. Таксама там з’явяцца памяшканні для акліматызацыі, ачысткі ад пылу і рэстаўрацыі папяровых архіваў.
Акрамя архіўных сховішчаў, на першым паверсе плануюць адкрыць выставачную і канферэнц-залу. У новы комплекс пераедуць Цэнтр электроннага дакументаабароту і Беларускі навукова-даследчы інстытут дакументазнаўства і архіўнай справы. Праект разглядаюць як базу для развіцця лічбавых тэхналогій у архіўнай сферы.
Падчас будаўніцтва рабочыя здолелі захаваць стары яблыневы сад, які расце проста на тэрыторыі пляцоўкі.
Гісторыя гэтага даўгабуду пачалася яшчэ ў 2008 годзе. Тады на скрыжаванні Партызанскага праспекта і вуліцы Машынабудаўнікоў пачалі будаваць адміністрацыйны корпус для Мінскага аўтамабільнага завода. Праз некалькі гадоў з-за недахопу фінансавання работы спынілі, а ў 2014 годзе аб’ект закансервавалі. У 2023 годзе будынак перадалі гораду для далейшай рэканструкцыі.
У Дзяржынску прадаюць Дом гандлю амаль за 5 мільёнаў даляраў
Рамонт Чырвонага касцёла ў Мінску зноў прыпыняўся
Вуліцу Мельнікайце ў Мінску перакрыюць на два гады: трэба дастаць «Алесю» і «Марыю»
Першая чарга кальцавой лініі мінскага метрапалітэна дойдзе толькі да Вяснянкі
У Свяцку пад Гроднам адкрылі рэканструяваныя залы ў мясцовым палацы. На адкрыццё прывезлі кіраўніцу расійскага Цэнтрабанка
Каментары