У французскім дэпартаменце Сона і Луара жандармерыя папярэдзіла кіроўцаў пра небяспеку на дарогах пасля незвычайнага выпадку з, імаверна, нецвярозым аленем.
Жывёліну знялі на відэа каля дарогі: алень бегаў кругамі, падскокваў, губляў раўнавагу і некалькі разоў падаў. У паліцыі з гумарам адзначылі, што «не ўсе ўдзельнікі дарожнага руху цвярозыя».
Police in France are warning drivers in rural areas to be on the lookout for "drunk" deer exhibiting erratic behavior caused by the consumption of fermented fruits — or as police called it, a “forest aperitif.” https://t.co/uGT1Vy45cD pic.twitter.com/JVf2HS8QRR
Паводле версіі праваахоўнікаў, алень мог ап’янець ад перабрадзілых пладоў, шышак або гнілых раслін. Падчас закісання ў такой ежы ўтвараецца алкаголь, які можа ўплываць на арганізм дзікіх жывёл.
У французскай жандармерыі патлумачылі, што ў такім стане жывёлы могуць раптоўна выбягаць на дарогу, хаатычна рухацца або нечакана спыняцца проста на праезнай частцы.
Кіроўцаў заклікалі быць асабліва ўважлівымі ў цёмны час сутак і на другасных дарогах, дзе сустрэчы з дзікімі жывёламі адбываюцца часцей.
Спецыялісты таксама адзначаюць, што перабрадзілыя плады могуць уплываць не толькі на аленяў, але і на птушак, насякомых ды іншых прадстаўнікоў дзікай прыроды.
У мінскім заапарку правядуць фестываль агню. Кажуць, што жывёлы будуць у памяшканнях, таму ўсё нармальна
Пад Гроднам рысь выйшла з лесу і пазіравала людзям на бервяне ВІДЭА
Пад Мінскам знайшлі параненую шэрую чаплю
«Мне пофіг. Штрафуйце мяне, я багаты». Турыст на Гаваях кінуў камень у рэдкага цюленя — мясцовыя жыхары не даравалі
Каментары
Мяне прама каля майго пад'езда таксама.
Можа быць "Chronic wasting disease", пры гэтай хваробе парушаецца праца нервовай сістэмы, каардынацыя рухаў.
Адзін з сімптомаў - "repetitive walking in set patterns".
Больш распаўсюджана ў Паўночнай Амерыцы, але ў Еўропе таксама бывае.