Трамп расказаў, што будзе, калі Іран адмовіцца ад правільнага пагаднення з ЗША
Ён дадаў, што іранскім уладам спатрэбіцца 20 гадоў на аднаўленне краіны, нават калі аперацыя ЗША і Ізраіля завершыцца проста зараз.
Ірану давядзецца заключыць з ЗША «правільную здзелку», у адваротным выпадку Вашынгтон вельмі лёгка атрымае перамогу. Пра гэта заявіў амерыканскі прэзідэнт у размове з радыёвядучым Х'ю Х'юітам.
«Так ці інакш, мы пераможам. Альбо мы заключым выгадную здзелку, альбо атрымаем вельмі лёгкую перамогу з ваеннага пункту гледжання», — сказаў Трамп.
Ён дадаў, што іранскім уладам спатрэбіцца 20 гадоў на аднаўленне краіны, нават калі аперацыя ЗША і Ізраіля завершыцца проста зараз. І нават у такім выпадку Іран ужо ніколі не будзе ранейшым, адзначыў рэспубліканец.
«І ў іх скончыліся месцы для захоўвання [нафты]. Кажуць, што праз два тыдні ў іх адбудзецца натуральны выбух нафты, пасля якога ім будзе практычна немагчыма аднавіцца.
Ведаеце, іх нафта… калі перакрываеш нафту пад зямлёй — і механічную частку таксама, але менавіта пад зямлёй — яна мае тэндэнцыю амаль у 100% выпадкаў літаральна выбухаць і проста знішчаць усё вакол. І вы больш ніколі не зможаце здабываць гэтую нафту», — сказаў прэзідэнт ЗША.
Пасля гэтага, паводле яго слоў, ёсць магчымасць вярнуць не больш за 30—40% ранейшых аб’ёмаў рэсурсу, але «ўжо ніколі не будзе так, як цяпер». Калі такое адбываецца, гэта наносіць велізарную шкоду нафтавай сістэме краіны.
Трамп раней адхіліў прапанову Ірана аб заключэнні трохэтапнага мірнага пагаднення. Прэзідэнт ЗША назваў яго «непрымальным».
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію3
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі44
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі4
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары