Прызналі неналежнай рэкламу адной з марак шакаладу. Пабачылі сэксуальны падтэкст
Гаворка ідзе пра шакалад Oboldini кандытарскай арганізацыі «Шакаладава» ў форме палачак, паведамляе Міністэрства па антыманапольным рэгуляванні і гандлі.
Рэклама змяшчае тэкст «Моцныя палачкі. 12,5 см гэта норма» і візуальнае адлюстраванне шакаладных палачак і лінейкі, што стварае ў спажыўцоў прамую асацыяцыю з сэксуальным значэннем, парушае агульнапрынятыя нормы маралі і маральнасці і ў адпаведнасці з патрабаваннямі заканадаўства аб рэкламе з’яўляецца неэтычнай.
Таксама ўстаноўлена распаўсюджванне ТАА «Дзівіян ІКА» неналежнай рэкламы наступнага зместу: «Упершыню ў Беларусі! На пастаяннай аснове. Музей піцы! Адукацыйна-забаўляльны праект», «Музей піцы ў Мінску — месца, дзе вас чакае сапраўднае пагружэнне ў гісторыю, культуру і мастацтва стварэння адной з самых любімых страў», «Адукацыйна-забаўляльны праект Салодкі музей», «Музей шакаладу горада Мінска».
Інфармацыя змяшчае недакладныя звесткі пра дзейнасць кампаніі і ўводзіць у зман, выкарыстоўваючы слова «музей», паколькі таварыства не ўключана ў рэестр музеяў, паведаміў МАРГ
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала43
Каментары
Норма мабыць сярод маркетолагаў " шакаладава" і у яўленні чыноўнікаў міністэрства))