Па бярозавы сок у Мінску выстройваюцца велізарныя чэргі. Пакупнікі прыходзяць з дзясяткамі 5‑літровых бутляў
Ужо некалькі дзён у Мінску прадаюць бярозавік. Цана пытання — 55 капеек.
І ўсе гэтыя дні ў грузавікоў выстройваюцца велізарныя чэргі. Людзі напаўняюць да дзясятка і больш 5‑літровых бутэлек, піша Blizko.by.
Адна з кропак афіцыйнага продажу соку знаходзіцца па адрасе праспект Дзяржынскага, 103, каля задняга фасада ГЦ «Тытан».
Вось такое фота рэдакцыя Blizko.by зрабіла ў сераду 25 сакавіка. Тут можна разгледзець больш за тры дзясяткі чалавек, якія выстраіліся ў чаргу да грузавіка Стаўбцоўскага лясгаса.
Вось здымкі за чацвер 26 сакавіка, кадры зроблены незадоўга да 12:00. Грузавік яшчэ не прыехаў, але ў чарзе дзяжураць ужо каля 70 чалавек.
А вось сённяшнія кадры, 27 сакавіка. Грузавік прыехаў і багата (у два шлангі) раздае бярозавы сок усім жадаючым. У чарзе мы налічылі каля трох дзясяткаў чалавек. Адзін пакупнік на аўтамабілі напоўніў адразу паўтара дзясятка 5— і 6‑літровых бутэлек. Але большасць абыходзіцца меншымі аб'ёмамі: ад адной-дзвюх двухлітровых да дзвюх-трох пяцілітровых.
Сок каштуе 55 капеек за літр. Спяшайцеся напоўніць свае бутэлькі.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»30
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары