Цяпер права выступаць у жаночых дысцыплінах на Алімпійскіх гульнях і іншых турнірах пад эгідай МОК маюць толькі біялагічныя жанчыны. Гэта будзе вызначацца праз спецыяльны генетычны скрынінг.
«Права на ўдзел у любым мерапрыемстве жаночай катэгорыі на Алімпійскіх гульнях ці любым іншым мерапрыемстве МАК, уключаючы індывідуальныя і камандныя віды спорту, цяпер абмежавана біялагічнымі жанчынамі, якія вызначаюцца на аснове аднаразовага скрынінгу гена SRY», — гаворыцца ў паведамленні на сайце МАК.
Раней гэтае пытанне выклікала спрэчкі. Крытыкі ўдзелу трансгендарных спартсменак сцвярджалі, што пасля мужчынскага палавога развіцця ў трансгендарных спартсменак застаюцца фізічныя перавагі, якія не цалкам знікаюць нават пасля гарманальнай тэрапіі.
У сваю чаргу, прыхільнікі допуску казалі, што забарона парушае правы чалавека, а гарманальная тэрапія, маўляў, выраўноўвае ўмовы.
Раней МОК не ўводзіў жорсткіх правіл і дазваляў міжнародным федэрацыям самім вырашаць гэтае пытанне. Але пасля спрэчак вакол алімпійскіх спаборніцтваў 2024 года падыход перагледзелі.
У 2025—2026 гадах кіраўніцтва МОК зрабіла акцэнт на «абароне жаночай катэгорыі», і ў выніку былі ўведзеныя больш строгія агульныя правілы.
Новыя правілы пачнуць дзейнічаць з Алімпіяды, якая пройдзе ў 2028 годзе ў амерыканскім Лос-Анджэлесе. На масавыя або аматарскія спартыўныя спаборніцтвы яны распаўсюджвацца не будуць.
Падставай для рэформы сталі скандалы вакол некалькіх атлетак — у прыватнасці, амерыканскай плыўчыхі Ліі Томас, якая раней выступала ў мужчынскай лізе, і новазеландскай цяжкаатлеткі Лорэл Хабард, якая змяніла катэгорыю ў 35 гадоў.
МАК збіраецца забараніць спартоўцам-трансгендарам удзельнічаць у жаночых спаборніцтвах
Трамп забараніў трансгендарным спартсменкам удзельнічаць у жаночых спаборніцтвах
Алжырка, якую цкавалі ў інтэрнэце, выйграла золата Алімпіяды
За гендарным скандалам на Алімпіядзе ў Парыжы стаіць Расія
Сацсеткі выбухнулі пасля спрэчнага эпізоду на адкрыцці Алімпійскіх гульняў
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары
І нават на старажытных Алімпійскіх гульнях у Алімпіі жанчыны кіравалі калясьніцамі на роўных з мушчынамі і перамагалі іх у сумленнай барацьбе.