Сіноптык Дзмітрый Рабаў у эфіры АНТ расказаў, якім будзе надвор’е ў Беларусі з 16 па 22 сакавіка.
Па словах Дзмітрыя Рабава, вясна стане паступова ўмацоўвацца, а тэмпература паветра ў сярэднім будзе на 4—6 градусаў вышэйшай за кліматычную норму. Снег будзе хутка раставаць, і да канца тыдня ён можа застацца толькі ў крайніх усходніх і паўночна-ўсходніх раёнах краіны.
У панядзелак, 16 сакавіка, надвор’е ў асноўным будзе сухім дзякуючы антыцыклону і цёплым паветраным масам з паўднёвага захаду Еўропы. Толькі на захадзе магчымыя кароткія вясновыя дажджы. Ноччу тэмпература складзе ад —1 да +4°C, а ўдзень паветра прагрэецца прыкладна ад +9 на ўсходзе да +14 на паўднёвым захадзе. Раніцай і ноччу магчымыя туманы.
У аўторак, 17 сакавіка, на ўсходзе краіны захаваецца ўплыў антыцыклону, таму будзе мала аблокаў і без істотных ападкаў. На захадзе магчымыя кароткія дажджы. Ноччу тэмпература складзе ад —1 да +5 °C, удзень — ад +6 да +12 °C.
У сярэдзіне тыдня крыху пахаладнее з-за цыклону, які прыйдзе з паўночна-ўсходняй Еўропы. Значных ападкаў не чакаецца, але раніцай магчымыя густыя туманы. Ноччу будзе ад —1 да +4 °C, удзень — прыкладна ад +5 на паўночным усходзе да +12 на захадзе.
У чацвер, 19 сакавіка, умовы застануцца падобнымі: без істотных ападкаў, але з туманамі. Ноччу чакаецца ад —1 да +3°C, удзень — ад +5 на ўсходзе да +12 на захадзе краіны.
У пятніцу, 20 сакавіка, праз Беларусь пройдзе атмасферны фронт, які прынясе кароткачасовыя ападкі. Ноччу і раніцай зноў магчымыя туманы. Тэмпература ноччу складзе ад —1 да +4°C, удзень — ад +6 на паўночным захадзе і ў цэнтры да +12 на паўднёвым усходзе.
У выхадныя надвор’е будзе больш зменлівым. У суботу, 21 сакавіка, магчымыя невялікія дажджы і месцамі мокры снег. Ноччу тэмпература апусціцца ад +3 да —2 °C, удзень будзе прыкладна ад +9 на Брэстчыне да +13 на Гомельшчыне.
У нядзелю, 22 сакавіка, дзякуючы антыцыклону надвор’е стане спакойным і пераважна без ападкаў. Ноччу магчымыя слабыя маразы да —2 °C і туманы. Удзень тэмпература складзе ад +9 на ўсходзе да +13 у Брэсцкай і Гродзенскай абласцях.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары