Касмічную турыстку Марыну Васілеўскую назвалі выдатнай мінчанкай
У Мінскай гарадской ратушы адбылася навукова-практычная канферэнцыя «Уклад жанчыны ў гісторыю горада Мінска».
Гасцям прэзентавалі праект «Мінск і мінчанкі». Ініцыятарамі праекта выступілі мінская арганізацыя «Белая Русь» сумесна з Інстытутам гісторыі НАН Беларусі. Удзел у адкрыцці ўзяў і кіраўнік Акадэміі навук Уладзімір Каранік.
Праект — прызнанне ў любові да сталіцы і тых, хто ствараў і стварае яе непаўторнае аблічча, паведамляе Мінгарвыканкам у сваім тэлеграм-канале.
Паведамляецца, што праект «Мінск і мінчанкі» — унікальная магчымасць паглядзець на горад праз прызму жаночага лёсу, таленту і мудрасці. Гэта серыя біяграфічных нарысаў і фотаздымкаў, прысвечаных выдатным мінчанкам — ад мінулых стагоддзяў да нашых дзён.
Каментары