Некалькі тысяч беларусаў страцілі заробак і падпрацоўку на патрыманых «бумерах»
Павышэнне Расіяй тарыфаў утылізацыйнага збору падарвала бізнэс многіх беларусаў, якія займаліся перагонам заходніх ужываных аўтамабіляў у Расію. Асабліва папулярным да снежня 2025 года быў BMW. Пра гэта піша ў сваім тэлеграм-канале рэдактар «Аўтастата» Сяргей Цэлікаў, заўважыла выданне «Белорусы и рынок».
Як адзначана, максімальны аб’ём увозу легкавых аўтамабіляў з прабегам праз Беларусь прыпаў на 2023—2024 гады. Тады аб’ёмы імпарту складалі 45,4 і 45,9 тысячы адпаведна. А вось у 2025 годзе аб’ёмы ўвозу абваліліся больш чым удвая (-58%) да 19,1 тысячы штук.
Напярэдадні змены тарыфаў утыльзбору (з 1 снежня 2025 года) быў зафіксаваны месячны ўсплёск (4079 штук), піша эксперт. Далей, у снежні, імпарт скараціўся амаль у 4 разы (да 1088 штук), а ў студзені з Беларусі на расійскі рынак трапіла ўсяго 613 аўто з прабегам.
Таксама Сяргей Цэлікаў звярнуў увагу на тое, што кардынальна змянілася структура ўвозу аўтамабіляў. Да 1 снежня на аўто магутнасцю звыш 160 конскіх сілаў прыпадала амаль дзве траціны імпарту (63,1%), а пасля 1 снежня — толькі крыху больш за чвэрць (26,2%).
Да ўвядзення планкі ільготнага ўтылізацыйнага збору кожны пяты ўжываны аўтамабіль, увезены праз Беларусь, быў маркі BMW (20,4%). На другім месцы са значным адставаннем ішлі Volkswagen (7,4%) і Chevrolet (7%). Там жа недалёка былі Mercedes-Benz (6,8%) і Audi (6,7%).
А пасля 1 снежня доля баварскага канцэрна скарацілася ўдвая (11,3%). У лідары выйшаў Volkswagen (12,1%), на трэцюю пазіцыю нечакана падняўся Peugeot (9,4%). Пры гэтым Mercedes-Benz утрымаўся на 4‑й пазіцыі (7,2%), а Audi нават не трапіла ў дзясятку.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары