Лукашэнка заявіў, што прапаноўваў ЗША ідэальны варыянт наконт Венесуэлы, але яны зрабілі глупства
«Па прапанове амерыканцаў (не я сам — яны мяне папрасілі) я быў уцягнуты ў гэтую праблему», — заявіў Лукашэнка.
Лукашэнка заявіў, што прапаноўваў ЗША ідэальны варыянт дзеянняў наконт Венесуэлы, але яны стварылі глупства. Пра гэта ён сказаў на сустрэчы з дзяржсакратаром Саюзнай дзяржавы Сяргеем Глазьевым, піша БелТА.
«Ім (ЗША) пастаянна кажу, адкрыта кажу, дзе яны няправыя. З Мадура не маюць рацыю — глупства стварылі. Я папярэджваў.
Па прапанове амерыканцаў (не я сам — яны мяне папрасілі) я быў уцягнуты ў гэтую праблему. І я ім прапанаваў ідэальны варыянт. Ідэальны варыянт! Але яны пайшлі сваім шляхам. Дональд хацеў неяк дагадзіць вайскоўцам», — заявіў ён.
«Ну і што яны зрабілі? Заўсёды трэба думаць: крок зрабіў, а што потым? Ну што цяпер? Якую можна прышыць віну ў наркагандлі Мадура? У чым яго можна абвінаваціць? Ну дакажыце, што ён узначальваў нейкі там картэль. А тое, што наркатой гандлюе ўвесь свет, дык гэта так», — адзначыў Аляксандр Лукашэнка.
«Правялі нейкую аперацыю, схапілі чалавека. Ну і што? Усяму свету паказалі, хто ёсць хто. Але галоўнае — а што далей? Таму гэта яшчэ тэма для майго абмеркавання з кіраўніцтвам Злучаных Штатаў Амерыкі», — дадае ён.
Лукашэнка сказаў, што ў яго ёсць прапанова выйсці з гэтай сітуацыі.
«І калі яны хочуць годна і прыгожа выйсці з гэтай сітуацыі, мы гатовыя з Дональдам у гэтых адносінах працаваць, — заявіў палітык. — Ён прагматычны чалавек. Я таксама. Таму, думаю, што мы абмяркуем гэтую праблему. Я не хачу сказаць, што я тут галоўны дарадца і я тут магу з ім вырашыць нейкую праблему. Не. Але свой пункт гледжання я магу выказаць».
Каментары