Łukašenka zajaviŭ, što prapanoŭvaŭ ZŠA idealny varyjant nakont Vieniesueły, ale jany zrabili hłupstva
«Pa prapanovie amierykancaŭ (nie ja sam — jany mianie paprasili) ja byŭ uciahnuty ŭ hetuju prablemu», — zajaviŭ Łukašenka.
Łukašenka zajaviŭ, što prapanoŭvaŭ ZŠA idealny varyjant dziejańniaŭ nakont Vieniesueły, ale jany stvaryli hłupstva. Pra heta jon skazaŭ na sustrečy ź dziaržsakratarom Sajuznaj dziaržavy Siarhiejem Hłaźjevym, piša BiełTA.
«Im (ZŠA) pastajanna kažu, adkryta kažu, dzie jany niapravyja. Z Madura nie majuć racyju — hłupstva stvaryli. Ja papiaredžvaŭ.
Pa prapanovie amierykancaŭ (nie ja sam — jany mianie paprasili) ja byŭ uciahnuty ŭ hetuju prablemu. I ja im prapanavaŭ idealny varyjant. Idealny varyjant! Ale jany pajšli svaim šlacham. Donald chacieŭ niejak dahadzić vajskoŭcam», — zajaviŭ jon.
«Nu i što jany zrabili? Zaŭsiody treba dumać: krok zrabiŭ, a što potym? Nu što ciapier? Jakuju možna pryšyć vinu ŭ narkahandli Madura? U čym jaho možna abvinavacić? Nu dakažycie, što jon uznačalvaŭ niejki tam kartel. A toje, što narkatoj handluje ŭvieś śviet, dyk heta tak», — adznačyŭ Alaksandr Łukašenka.
«Praviali niejkuju apieracyju, schapili čałavieka. Nu i što? Usiamu śvietu pakazali, chto jość chto. Ale hałoŭnaje — a što dalej? Tamu heta jašče tema dla majho abmierkavańnia z kiraŭnictvam Złučanych Štataŭ Amieryki», — dadaje jon.
Łukašenka skazaŭ, što ŭ jaho jość prapanova vyjści z hetaj situacyi.
«I kali jany chočuć hodna i pryhoža vyjści z hetaj situacyi, my hatovyja z Donaldam u hetych adnosinach pracavać, — zajaviŭ palityk. — Jon prahmatyčny čałaviek. Ja taksama. Tamu, dumaju, što my abmiarkujem hetuju prablemu. Ja nie chaču skazać, što ja tut hałoŭny daradca i ja tut mahu ź im vyrašyć niejkuju prablemu. Nie. Ale svoj punkt hledžańnia ja mahu vykazać».
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha6
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5050
Kamientary