Трагедыя ў Харкаўскай вобласці: расійскі дрон забіў у доме траіх малых дзяцей
У горадзе Багадухаў Харкаўскай вобласці ў выніку ўдару беспілотнікам па прыватным доме загінулі чатыры чалавекі. Сярод ахвяр — трое маленькіх дзяцей: два хлопчыкі, якім было толькі па адным годзе, і двухгадовая дзяўчынка.
Таксама ў доме быў 34‑гадовы мужчына, ён памёр ад смяротных траўм.
Паводле інфармацыі кіраўніка Харкаўскай абласной ваеннай адміністрацыі Алега Сінягубава, дрон трапіў у жылы дом.
Будынак быў цалкам разбураны, успыхнуў пажар на плошчы 60 квадратных метраў.
Акрамя загінулых, ёсць пацярпелыя. Сярод іх — 35‑гадовая цяжарная жанчына і 74‑гадовая пенсіянерка.
Медыкі аказваюць ім дапамогу. Ратавальнікі ліквідуюць наступствы ўдару і разбіраюць завалы.
Каментары