Беларусбанк папярэдзіў кліентаў пра магчымыя збоі ў працы сэрвісаў у найбліжэйшыя дні з-за тэхнічных работ.
Паводле інфармацыі банка, у ноч з 5 на 6 лютага — з паўночы да 6‑й раніцы — магчымыя часовыя перапынкі ў абслугоўванні.
Яшчэ больш істотныя абмежаванні запланаваныя з 23:00 7 лютага да 7:00 8 лютага. У гэты перыяд у аддзяленнях, сістэме «Разлік» і каналах дыстанцыйнага банкінгу не будуць праводзіцца аперацыі з дэпазітамі і бягучымі рахункамі фізічных асоб, не будзе даступны ўлік крэдытнай запазычанасці, а таксама афармленне банкаўскіх плацежных картак.
Акрамя таго, 8 лютага з 1‑й да 2‑й гадзіны ночы ў аддзяленнях банка часова немагчыма будзе здзяйсняць аперацыі з наяўнымі грашыма.
Напрыканцы снежня 2025 года Беларусбанк перайшоў на новае праграмнае забеспячэнне, і тады тэхнічныя праблемы з абслугоўваннем назіраліся каля тыдня.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары