У сваім вячэрнім выступленні прэзідэнт Украіны Уладзімір Зяленскі пацвердзіў, што абяцанне Пуціна не рабіць гэтымі днямі ўдараў па аб'ектах энергетыкі сапраўды амаль выконваецца. Але гэта не азначае, што ўдараў увогуле няма.
«Пачаўся гэты дзень з дакладаў з рэгіёнаў: ва ўсіх нашых абласцях з ночы на пятніцу сапраўды не было ўдараў па аб’ектах энергетыкі. Амаль не было. Акрамя Данецкай вобласці, дзе быў адзін удар па газавай інфраструктуры, удар авіябомбай.
Таксама зараз бачым пераарыентацыю Расіі на ўдары па лагістыцы, па вузлавых станцыях. У прыватнасці, быў удар па адным з вагонаў Украінскай чыгункі, спецыяльны вагон-электрастанцыя, — раніцай гэта адбылося на Дняпроўшчыне. Важна, што нашы чыгуначнікі працуюць і забяспечваюць спалучэнне ва ўсіх рэгіёнах.
Увесь дзень працягваліся і звычайныя атакі дронамі, авіябомбамі. На Харкаўшчыне быў удар балістыкай па складах амерыканскай кампаніі «Філіп Морыс». Быў значны пажар. Былі ўдары па Нікапалі, па Херсоне, прымежных раёнах Харкаўскай, Сумскай і Чарнігаўскай абласцей», — пералічыў Зяленскі.
Ён падкрэсліў, што стаўленне Украіны да гэтага люстраное:
«Амерыканскі бок казаў пра ўстрыманне ад удараў па энергетыцы на працягу тыдня, і ў ноч на сёння адлік пачаўся. Залежыць ад партнёраў, вядома, — ад Злучаных Штатаў, — як усё гэта пройдзе. Украіна гатова люстрана ўстрымацца ад удараў, і сёння мы не наносілі ўдараў па расійскіх энергааб’ектах».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары