Міністр замежных спраў Індыі Субраманьям Джайшанкар 3 верасня наведаў Кіеў. Гэта першы ў гісторыі двухбаковых адносін асобны візіт кіраўніка індыйскага МЗС ва Украіну, паведаміла прэс-служба Міністэрства замежных спраў Украіны.
Падчас сустрэчы ўкраінскі міністр замежных спраў Андрэй Сібіга расказаў індыйскаму калегу пра сістэматычныя расійскія атакі на Украіну. Асобна ён звярнуў увагу на ўдары па цывільных суднах, партах і партовай інфраструктуры. Сярод пацярпелых ад расійскіх атак былі і індыйскія маракі.
Сібіга падкрэсліў, што блакаванне важных шляхоў паставак украінскага харчавання стварае пагрозу голаду і гуманітарнага крызісу для мільёнаў людзей у розных краінах.
Асобнай тэмай перамоў стаў мірны працэс і магчымасць больш актыўнага ўдзелу Індыі ў міжнародных намаганнях па спыненні вайны Расіі супраць Украіны.
Сібіга заявіў, што Украіна гатовая скончыць вайну і мае рэалістычныя прапановы для гэтага. Паводле яго, цяпер неабходна пераходзіць ад вайны да дыпламатыі. Ён таксама нагадаў пра нядаўнюю заяву прэм’ер-міністра Індыі Нарэндры Модзі, які заклікаў пакласці канец працяглай вайне.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў16
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары